TRENDING:
സേവ പഖ്വാരയുടെ ഭാഗമായി ബിജെപി പ്രവര്ത്തകര് രാജ്യത്തെ വിവിധ മേഖലകളില് സേവന പ്രവര്ത്തനങ്ങള് സംഘടിപ്പിക്കും. പ്രധാനമന്ത്രി നരേന്ദ്രമോദി തന്നെ സേവാപ്രവര്ത്തനങ്ങളില് നേരിട്ട് പങ്കെടുക്കും. ശൂചീകരണം, വൃക്ഷതൈ നടല്, രക്തദാനം തുടങ്ങിയ പരിപാടികളാണ് രാജ്യമൊട്ടാകെ നടക്കുക.
ജന്മദിനത്തിൽ പ്രധാനമന്ത്രി രാജ്യത്ത് നിരവധി വികസന സംരംഭങ്ങളുടെ ഉദ്ഘാടനം നിര്വഹിക്കും. ഞായറാഴ്ച ‘വിശ്വകർമ ജയന്തി’ ദിനത്തില്, കരകൗശല വിദഗ്ധരെയും പരമ്പരാഗത വൈദഗ്ധ്യത്തിൽ ഏർപ്പെട്ടിരിക്കുന്ന മറ്റുള്ളവരെയും സഹായിക്കാൻ ലക്ഷ്യമിട്ടുള്ള കേന്ദ്ര സർക്കാരിന്റെ പദ്ധതിയായ പിഎം വിശ്വകർമ കൗശൽ യോജനക്ക് മോദി തുടക്കം കുറിക്കും.
advertisement
കാലങ്ങളായി പരമ്പരാഗത തൊഴില് ചെയ്ത് ജീവിക്കുന്ന ഇവരില് ഏറിയ പങ്കും സാമ്പത്തികമായി പിന്നാക്ക വിഭാഗങ്ങളിൽ നിന്നുള്ളവരാണ് എന്നതിനാൽ, 13,000 കോടി രൂപ അടങ്കലുള്ള ഈ പദ്ധതി ഭരണകക്ഷിയായ ബിജെപിയുടെ രാഷ്ട്രീയ പ്രാധാന്യമുള്ള പദ്ധതിയായും കണക്കാക്കപ്പെടുന്നു.
യശോഭൂമി എന്ന് പേരിട്ടിരിക്കുന്ന ഇന്ത്യാ ഇന്റർനാഷണൽ കൺവെൻഷൻ ആൻഡ് എക്സ്പോ സെന്ററിന്റെ (ഐഐസിസി) ആദ്യഘട്ടം ദ്വാരകയിൽ മോദി ഉദ്ഘാടനം ചെയ്യും, കൂടാതെ ഡൽഹി എയർപോർട്ട് മെട്രോ എക്സ്പ്രസ് ലൈൻ ദ്വാരക സെക്ടർ 21ൽ നിന്ന് ദ്വാരക സെക്ടർ 25ലെ പുതിയ മെട്രോ സ്റ്റേഷനിലേക്ക് നീട്ടുന്നതിന്റെ ഉദ്ഘാടനവും അദ്ദേഹം നിർവഹിക്കും.
രാജ്യത്ത് വിവിധ യോഗങ്ങള്, കോൺഫറൻസുകൾ, എക്സിബിഷനുകൾ എന്നിവ സംഘടിപ്പിക്കുന്നതിന് ലോകോത്തര അടിസ്ഥാന സൗകര്യങ്ങൾ ഒരുക്കുകയെന്നത് പ്രധാനമന്ത്രിയുടെ വികസന പദ്ധതികളില് പ്രധാനപ്പെട്ടതായിരുന്നു, ദ്വാരകയിലെ യശോഭൂമിയുടെ പ്രവർത്തനം ഇതിന് വലിയ ഉത്തേജനമാകുമെന്ന് അധികൃതർ പറഞ്ഞു.
Click here to add News18 as your preferred news source on Google.