ഇപ്പോൾ മാത്രമല്ല 21ാം നൂറ്റാണ്ടിലെ തന്നെ ഏറ്റവും ആവശ്യമുള്ള ഊർജമായി സൗരോര്‍ജം മാറും . ഇപ്പോൾ ലോകത്തിലെ തന്നെ അഞ്ച് സൗരോർജ ഉത്പാദക രാജ്യങ്ങളിലൊന്നായി ഇന്ത്യ മാറി. ശുദ്ധമായ ഊർജത്തിന്റെ ഏറ്റവും ആകർഷകമായ ആഗോള വിപണിയായി ഇന്ത്യ മാറും-പ്രധാനമന്ത്രി പറഞ്ഞു.
രേവ സോളാർ പ്ലാന്റിലൂടെ ഇവിടത്തെ വ്യവസായങ്ങൾക്ക് വേണ്ട വൈദ്യുതി മാത്രമല്ല, ഡൽഹിയിലെ മെട്രോ റെയിലിനു വരെ വൈദ്യുതി ലഭിക്കുമെന്ന് പ്രധാനമന്ത്രി വ്യക്തമാക്കി. രേവയ്ക്ക് പുറമെ ഷാജപൂർ, നീമൂച്ച് ,ഛതർപൂർ എന്നിവിടങ്ങളിലും സോളാർ പദ്ധതികളുടെ പണി പുരോഗമിക്കുകയാണെന്ന് അദ്ദേഹം അറിയിച്ചു.
advertisement
TRENDING:Covid 19 | ഇന്ന് കോവിഡ് സ്ഥിരീകരിച്ചത് 416 പേര്ക്ക്; 204 പേര്ക്ക് രോഗമുണ്ടായത് സമ്പര്‍ക്കത്തിലൂടെ
[NEWS]Dil Bechara| ദിൽ ബേച്ചാരയിലെ സുശാന്ത് സിംഗ് രാജ്പുതിന്റെ ഷർട്ട് ഏറ്റെടുത്ത് നെറ്റിസെൻസ്; കാരണം ഇതാണ്
[NEWS]
1590 ഏക്കറോളം വിസ്തൃതിയിലാണ് സോളാർ പ്ലാന്റ് സ്ഥിതി ചെയ്യുന്നത്. പ്ലാന്റ് പ്രവർത്തനമാരംഭിക്കുന്നതോടെ വർഷം തോറും പുറത്തു വരുന്ന കാർബൺഡൈ ഓക്സൈഡിന്റെ അളവിൽ 15 ലക്ഷം ടൺ കുറവുവരുമെന്നാണ് മധ്യപ്രദേശ് സർക്കാർ പറയുന്നത്. 500 ഹെക്ടറുകളിൽ വീതം സ്ഥിതി ചെയ്യുന്ന 250 മെഗാവാട്ട് ഉത്പ്പാദന ശേഷിയുള്ള മൂന്ന് സോളാർ യൂണിറ്റുകളാണ് സോളാർ പാർക്കിലുള്ളത്.
മധ്യപ്രദേശ് ഊർജ വികാസ് നിഗം ലിമിറ്റഡിന്റെ (എംപിയുവിഎൻ) സംയുക്ത സംരംഭ കമ്പനിയായ രേവ അൾട്രാ മെഗാ സോളാർ ലിമിറ്റഡും (ആർ‌യു‌എം‌എസ്‌എല്ലും) കേന്ദ്ര പൊതുമേഖലാ സ്ഥാപനമായ സോളാർ എനർജി കോർപ്പറേഷൻ ഓഫ് ഇന്ത്യയും (എസ്‍സി‌ഐ) ചേർന്നാണ് സോളാർ പാർക്ക് വികസിപ്പിച്ചെടുത്തിരിക്കുന്നത്.