കോവിഡ് മരുന്നുകൾക്ക് പേര് നൽകിയതിന് പിന്നിൽ ശശി തരൂരാണെന്ന് കെടിആർ; ഉരുളയ്ക്കുപ്പേരി പോലെ മറുപടി

2018-ൽ തന്റെ പുസ്തകമായ 'ദി പാരഡോക്സിക്കൽ പ്രൈം മിനിസ്റ്ററി'ന്റെ പ്രചാരണത്തിന്റെ ഭാഗമായി നരേന്ദ്ര മോദിയെക്കുറിച്ചുള്ള ആ പുസ്തകത്തെ അദ്ദേഹം 'floccinaucinihilipilification' എന്ന വാക്ക് ഉപയോഗിച്ച് വിശേഷിപ്പിച്ചത് ശ്രദ്ധേയമായിരുന്നു. ഓക്സ്ഫോർഡ് നിഘണ്ടു പ്രകാരം ഈ വാക്ക് ഒരു നാമപദമാണ്. 'ഒന്നിനും മൂല്യം കൽപ്പിക്കാത്ത ശീലം അല്ലെങ്കിൽ പ്രവൃത്തി' എന്നതാണ് ഈ വാക്കിന്റെ അർത്ഥം.

ഹൈടെക് വാറ്റ് കേന്ദ്രം; റെയ്ഡിൽ പിടികൂടിയത് 35 ലിറ്റർ ചാരായവും 750 ലിറ്റർ കോടയും വാറ്റുപകരണങ്ങളും

advertisement

2021ൽ വീണ്ടും ശശി തരൂർ ആ വാക്ക് ഉപയോഗിച്ചിരിക്കുകയാണ്. ഒപ്പം മറ്റൊരു വാക്ക് കൂടി പ്രയോഗിച്ചിട്ടുണ്ട് - ‘procrustean'. 'ചില കോവിഡ് മരുന്നുകളുടെ പേരുകൾ നൽകിയതിന് ശേഷം തെലങ്കാനയിലെ മന്ത്രിയും തെലങ്കാന രാഷ്ട്രസമിതിയുടെ വർക്കിങ് പ്രസിഡന്റുമായ കെ ടി രാമറാവു, ആരായിരിക്കും ഈ മരുന്നുകൾക്ക് പേരു നൽകിയത് എന്ന് തമാശയ്ക്ക് ചോദിച്ചതാണ് തുടക്കം.

Not guilty! How can you indulge in such floccinaucinihilipilification, @KTRTRS? Left to me I'd happily call them "CoroNil", "CoroZero", & even "GoCoroNaGo!" But these pharmacists are more procrustean.... https://t.co/YrIFSoVquo

കോവിഡ് ചികിത്സയ്ക്ക് ഉപയോഗിക്കുന്ന ദുഷ്കരമായ ഉച്ചാരണമുള്ള 'Posaconazole, Cresemba, Tocilzumab, Remdesivi' എന്നീ മരുന്നുകൾ ഉദ്ധരിച്ചു കൊണ്ടാണ് കെ ടി ആർ ട്വീറ്റ് ചെയ്തത്. തുടർന്ന് ശശി തരൂരിനെ കളിയാക്കുന്ന വിധം ഈ മരുന്നുകളുടെ പേരിന് പിന്നിൽ അദ്ദേഹത്തിന് പങ്കുണ്ടാകുമെന്നാണ് കരുതുന്നത് എന്നും കെ ടി ആർ പറഞ്ഞു. അതിനെ തുടർന്നാണ് ഉരുളയ്ക്കുപ്പേരി പോലെ ശശി തരൂരിന്റെ മറുപടി വന്നത്.

എയർ ഇന്ത്യയുടെ സർവെർ ഹാക്ക് ചെയ്തു; ചോർന്നത് 45 ലക്ഷത്തോളം യാത്രക്കാരുടെ വിവരങ്ങൾ

'കെ ടി ആർ നിങ്ങൾക്കെങ്ങനെയാണ് ഇത്തരം വൃഥാവ്യായാമങ്ങളിൽ (floccinaucinihilipilification) മുഴുകാൻ കഴിയുന്നത്, മരുന്നിന് പേരിടാൻ എന്നെ ഏൽപ്പിക്കുകയാണെങ്കിൽ ഞാൻ സന്തോഷത്തോടെ 'കൊറോണിൽ' എന്നോ 'കൊറോസീറോ' അതുമല്ലെങ്കിൽ 'ഗോ കൊറോണ ഗോ' എന്നുമൊക്കെ പേരിട്ടേനെ. പക്ഷേ, ഈ ഫാർമസിസ്റ്റുകളൊക്കെ കൂടുതൽ 'പ്രൊക്രസ്റ്റീൻ' (procrustean) ആണ്' - എന്നായിരുന്നു തരൂരിന്റെ ട്വീറ്റ്.

'ഫ്ലോസിനോസിനിഹിലിപിലിഫിക്കേഷൻ' എന്ന വാക്ക് ഉച്ചരിക്കാൻ അൽപ്പം പ്രയാസമാണെങ്കിലും തരൂർ നേരത്തെ ജനകീയമാക്കിയ വാക്കായതിനാൽ ട്വിറ്റർ ഉപയോക്താക്കൾക്കൊക്കെ പരിചിതമാണ്. എന്നാൽ, ഇപ്പോൾ 'പ്രൊക്രസ്റ്റീൻ' എന്താണെന്നറിയാൻ ആളുകൾ നിഘണ്ടു തിരഞ്ഞ് നടക്കുകയാണ്.

ഗ്രീക്ക് പുരാണകഥയിലെ ഒരു പ്രതിനായകനാണ് പ്രൊക്രസ്റ്റസ്. ഈ പേരിൽ നിന്ന് ഉടലെടുത്ത വാക്കാണ് പ്രൊക്രസ്റ്റീൻ. 'ഒരു വസ്തുവിന്റെയോ വ്യക്തിയുടെയോ ചട്ടക്കൂടിന്റെയോ സംവിധാനത്തിന്റെയോ വൈയക്തികതയും പ്രകൃതിദത്തമായ വ്യത്യസ്തതകളും കണക്കിലെടുക്കാതെ സാർവജനികമായ ഒരു നിയമം അതിനുമേൽ അടിച്ചേൽപ്പിക്കുക' - എന്നതാണ് ഈ വാക്ക് കൊണ്ട് അർത്ഥമാക്കുന്നത്‌. തരൂരിന്റെ ട്വീറ്റോടു കൂടി ഈ വാക്ക് ഗൂഗിൾ സെർച്ച് എഞ്ചിനിൽ ട്രെൻഡിങ് ആയി മാറി.

Keywords: Shashi Tharoor, Floccinaucinihilipilification, Procrustean, Dictionary, The Paradoxical Prime Minister, KT Rama Rao, ശശി തരൂർ, ഫ്ലോസിനോസിനിഹിലിപിലിഫിക്കേഷൻ, പ്രൊക്രസ്റ്റീൻ, നിഘണ്ടു, ദി പാരഡോക്സിക്കൽ പ്രൈം മിനിസ്റ്റർ, കെ ടി രാമറാവു