കൊച്ചി മാതൃകയിൽ വാട്ടർ മെട്രോ വരുന്നത് ഇന്ത്യയിലെവിടൊക്കെ? 

11 സംസ്ഥാനങ്ങളിലും രണ്ട് കേന്ദ്രഭരണ പ്രദേശങ്ങളിലുമായാണ് വാട്ടർ മെട്രോയ്ക്കായുള്ള പഠനം നടത്തിയത്. ശ്രീനഗർ, ഗുവാഹത്തി, പട്ന, വാരണാസി, അയോധ്യ, അഹമ്മദാബാദ്, സൂറത്ത്, ഗോവ, മംഗളൂരു തുടങ്ങിയ നഗരങ്ങൾക്കൊപ്പം കേരളത്തിലെ കൊല്ലം, ആലപ്പുഴ എന്നിവിടങ്ങളിലും പഠനം നടത്തി. ലക്ഷദ്വീപിലും കൊൽക്കത്തയിലും പഠനങ്ങൾ പുരോഗമിക്കുകയാണ്.

ആലപ്പുഴയിൽ 15 ടെർമിനലുകളും 61 ഇലക്ട്രിക് ബോട്ടുകളും ഉൾപ്പെടുന്ന എട്ട് റൂട്ടുകളും കൊല്ലത്ത് 15 ടെർമിനലുകളും 35 ബോട്ടുകളും അടങ്ങുന്ന പദ്ധതിയുമാണ് നിർദ്ദേശിച്ചിട്ടുള്ളത്. ഇതിനുപുറമെ, മുംബൈ മെട്രോപൊളിറ്റൻ ഏരിയയിൽ 250 കിലോമീറ്റർ നീളത്തിൽ വാട്ടർ മെട്രോ നടപ്പിലാക്കുന്നതിനുള്ള വിശദമായ പദ്ധതി റിപ്പോർട്ടും (ഡിപിആർ) മഹാരാഷ്ട്ര സർക്കാരിന് സമർപ്പിച്ചിട്ടുണ്ട്.

advertisement