TRENDING:
‘രാജ്യം ഫുട്ബോൾ ആവേശത്തില് മുഴുകിയിരിക്കുമ്പോൾ നമുക്ക് അതിനെ കുറിച്ച് സംസാരിക്കാം. നമ്മളിപ്പോൾ ഖത്തറിലെ ലോകകപ്പ് ആവേശത്തിലാണ്. അവിടെ കളിക്കുന്ന വിദേശ ടീമുകളെ നാം ഉറ്റുനോക്കുന്നു. അങ്ങനെയൊരു ദിനം വൈകാതെ രാജ്യത്ത് സമാഗമമാകും. അന്ന് ദേശീയ പതാകയ്ക്ക് കീഴിൽ ജനം ആർത്തുല്ലസിക്കുമെന്നും’ മോദി പറഞ്ഞു. ആരെങ്കിലും സ്പോർട്സ്മാൻ സ്പിരിറ്റിന് എതിരായി നിന്നാൽ നമുക്ക് അവരെ ചുവപ്പ് കാർഡ് കാണിച്ചുപുറത്താക്കാമെന്നും പ്രധാനമന്ത്രി പറഞ്ഞു.
ഈ രീതിയില് കഴിഞ്ഞ എട്ടു വര്ഷമായി, വടക്കുകിഴക്കന് മേഖലയുടെ വികസനത്തില് നിരവധി തടസ്സങ്ങള്ക്ക് തങ്ങള് ചുവപ്പ് കാര്ഡ് കാണിച്ചുവെന്നും മോദി പറഞ്ഞു.
advertisement
‘കേന്ദ്രസർക്കാർ മുൻഗണനകളിൽ മാറ്റം വരുത്തിയപ്പോൾ അതിന്റെ ഗുണപരമായ സ്വാധീനം രാജ്യത്തുടനീളം ദൃശ്യമായി. ഈ വർഷം അടിസ്ഥാന സൗകര്യങ്ങൾക്കായി കേന്ദ്രം 7 ലക്ഷം കോടി രൂപ ചെലവഴിക്കുന്നത്. 8 വർഷം മുമ്പ്, ഇത് 2 ലക്ഷം കോടി രൂപയിൽ താഴെമാത്രമായിരുന്നെന്നും’ മോദി പറഞ്ഞു.
‘അഴിമതി, പക്ഷപാതം, സ്വജനപക്ഷപാതം, അക്രമം, പദ്ധതികള് സ്തംഭിപ്പിക്കല്, വോട്ട് ബാങ്ക് രാഷ്ട്രീയം എന്നിവ ഇല്ലാതാക്കാനും ഞങ്ങള് പലവിധ ശ്രമങ്ങളും നടത്തി വരുന്നു. എന്നാല് ഈ രോഗങ്ങളുടെ വേരുകള് ആഴത്തില് പരന്നുകിടക്കുന്നുവെന്ന് നിങ്ങള്ക്കറിയാവുന്നതാണ്. അതുകൊണ്ട് തന്നെ നാമെല്ലാവരും ഒരുമിച്ച് അതിനെ വേരോടെ പിഴുതെറിയണമെന്നും’ പ്രധാനമന്ത്രി ആവശ്യപ്പെട്ടു.
Click here to add News18 as your preferred news source on Google.