TRENDING:
എന്നാല് അടുത്ത ബുധനാഴ്ച ബിനീഷിന്റെ അഭിഭാഷകനും വ്യാഴാഴ്ച എന്ഫോഴ്സ്മെന്റ് ഡയറക്ടറേറ്റിനും വിശദമായി വാദം അതരിപ്പിക്കുന്നതിനായി അനുമതി നല്കിയിട്ടുണ്ട്. ബിനീഷിന്റെ അക്കൗണ്ടിലെത്തിയ അഞ്ചു കോടിയിലധികം രൂപയുടെ ഉറവിടം സംബന്ധിച്ച് ബിനീഷ് നല്കിയിരിക്കുന്ന വിശദീകരണത്തില് ഇഡിയുടെ വാദമാണ് ഇനി നടക്കാനുള്ളത്.
Also Read-എം സി ജോസഫൈൻ വനിതാ കമ്മീഷൻ അധ്യക്ഷസ്ഥാനം രാജിവെച്ചു; സിപിഎം നേതാക്കളാരും പിന്തുണച്ചില്ല
ബിനീഷ് കോടിയേരി ജയിലിലായിട്ട് 234 ദിവസം പിന്നിട്ടു. പരപ്പന അഗ്രഹാര ജയിലിലാണ് റിമാന്ഡില് കഴിയുന്നത്. അച്ഛന് കോടിയേരി ബാലകൃഷ്ണനെ ശുശ്രൂഷിക്കുന്നതിനായി കേരളത്തിലേക്ക് പോകാന് ഇടക്കാല ജാമ്യം അനുവദിക്കണമെന്ന് ബിനീഷ് കോടതിയില് അഭ്യര്ത്ഥിച്ചിരുന്നു.
advertisement
ബിനീഷിന്റെ അക്കൗണ്ടില് കള്ളപ്പണം ഇല്ലെന്നും പച്ചക്കറി, മാത്സ്യ മൊത്തക്കച്ചവടത്തില് നിന്ന് ലഭിച്ച പണമാണ് അക്കൗണ്ടില് ഉള്ളതെന്നും അഭിഭാഷകന് കോടതിയെ അറിയിച്ചിരുന്നു. അതേസമയം നേരത്തെ രണ്ടു തവണ ബെംഗഗളൂരു പ്രത്യേക കോടതി ജാമ്യാപേക്ഷ തള്ളിയിരുന്നു. കഴിഞ്ഞവര്ഷം ഒകടോബര് 29നാണ് കള്ളപ്പണം വെളുപ്പിക്കല് നിരോധന നിയമപ്രകാരം ഇഡി ബിനീഷിനെ അറസ്റ്റ് ചെയ്തത്. നവംബര് 11 മുതല് ബിനീഷ് പരപ്പന അഗ്രഹാര സെന്ട്രല് ജയിലിലാണ്.
ലഹരിമരുന്ന് കേസിലും കള്ളപ്പണം വെളുപ്പിക്കല് കേസിലും ഒന്നാം പ്രതിയായ അനൂപ് മുഹമ്മദുമായി നടത്തിയ പണമിടപാടാണ് ബിനീഷ് കോടിയേരിയെ കുടുക്കിയത്. 2012 മുതല് ഇവര് തമ്മില് പണമിടപാട് നടത്തിയിരുന്നതായി ഇ ഡി സമര്പ്പിച്ച കുറ്റപത്രത്തില് പറയുന്നു. കൂടാതെ ആദായനികുതിയ റിട്ടേണ് സമര്പ്പിച്ചതിലും ബിനീഷ് കോടിയേരി തിരിമറി നടത്തിയതായി ഇ ഡി ആരോപിക്കുന്നുണ്ട്. 2012 മുതല് 2019 വരെയുള്ള കാലയളവില് 5.19 കോടി രൂപയുടെ വരുമാനത്തില് 3.95 കോടി രൂപയുടെ നികുതി റിട്ടേണ് സമര്പ്പിച്ചിട്ടില്ലെന്നും കണ്ടെത്തിയിട്ടുണ്ടെന്ന് ഇ ഡി കോടതിയെ അറിയിച്ചിരുന്നു.
Click here to add News18 as your preferred news source on Google.