'സംഘപരിവാർ അജണ്ട'; സാമ്പത്തിക സംവരണം പിൻവലിക്കണമെന്ന് മുഖ്യമന്ത്രിയോട് മലയാളത്തിൽ ആവശ്യപ്പെട്ട് ചന്ദ്രശേഖർ ആസാദ്

'സവര്‍ണ സംവരണം ഒരു സംഘപരിവാര്‍ അജണ്ടയാണ്. അത് ഈ സംസ്ഥാനത്തെ പിന്നാക്ക ജനതയുടെ ജീവിതം കൂടുതല്‍ ദുഷ്‌കരമാക്കും. കേരള സര്‍ക്കാര്‍ നടപ്പിലാക്കിയ സാമ്പത്തിക സംവരണം പിന്‍വലിക്കുക', മുഖ്യമന്ത്രിയുടെ ഓഫീസിനെ ടാഗ് ചെയ്തുകൊണ്ടുള്ള പോസ്റ്റില്‍ ചന്ദ്രശേഖര്‍ ആസാദ് ട്വീറ്റ് ചെയ്തു.

മുന്നോക്ക വിഭാഗങ്ങളിലെ സാമ്പത്തികമായി പിന്നോക്കം നില്‍ക്കുന്നവര്‍ക്ക് പത്ത് ശതമാനം സംവരണമാണ് സര്‍ക്കാര്‍ ഏര്‍പ്പെടുത്തിയത്. പട്ടികവിഭാഗത്തിലോ മറ്റു പിന്നാക്ക വിഭാഗത്തിലോ ഉൾപ്പെടാത്തവർക്കും ജാതിയില്ലാത്തവർക്കും സാമ്പത്തികമായി പിന്നാക്കമാണെങ്കിൽ സംവരണം ലഭിക്കും.

Also Read 'സാമ്പത്തിക സംവരണം ചതിക്കുഴി'; ഇടതുസർക്കാർ പിന്നാക്കക്കാരെ പി​ന്നി​ൽ നിന്ന് കുത്തിയെന്ന് വെള്ളാപ്പള്ളി നടേശൻ

ഉത്തരവ് പുറത്തിറങ്ങിയ ഒക്ടോബര്‍ 23 മുതൽ ഇതിനു പ്രാബല്യമുണ്ടായിരിക്കും. കേരള സ്റ്റേറ്റ് ആൻഡ് സബോർഡിനേറ്റ് സർവീസസ് ചട്ടം ഭേദഗതി ചെയ്ത് ഉദ്യോഗസ്ഥ ഭരണ പരിഷ്കാര വകുപ്പാണു വിജ്ഞാപനമിറക്കിയത്.