പിള്ളയുടെ കൈപ്പുണ്യം നുകർന്നവരിൽ ഒരാളാണ് പുതുപ്പള്ളിയുടെ സ്വന്തം കുഞ്ഞൂഞ്ഞ്. പിള്ളയുടെ വീഡിയോ പോസ്റ്റ് കണ്ട്, ഒരു ദിവസം അവിടെയെത്തി മീനും ചോറും കഴിക്കണം എന്ന ആഗ്രഹം ബാക്കിയാക്കി ഉമ്മൻ ചാണ്ടി (Oommen Chandy) മടങ്ങുമ്പോൾ ഷെഫ് പിള്ളയുടെ മനസ്സിൽ ഓർമകളുടെ തിരയിളക്കം.
“ഒരുപാട് തവണ ഭക്ഷണം കൊടുക്കാൻ പറ്റിയ പ്രിയ നേതാവ്! അവസാനമായി അദ്ദേഹത്തിന് ഭക്ഷണം വിളമ്പിയത് രവി പിള്ള സാറിന്റെ മകന്റെ വിവാഹ വിരുന്നിനാണ്… വീട്ടിലെ പാചക വീഡിയോ കണ്ട് അവിടെ വന്ന് ഒരു ദിവസം മീനും ചോറും കഴിക്കണം എന്നൊരു ആഗ്രഹം പറഞ്ഞിരുന്നു… അതിനിയില്ല.
advertisement
ഞായറായ്ച ബാംഗ്ലൂരിലെ പുതിയ റെസ്റ്റോറന്റിന്റെ ഉദ്ഘാടന ദിവസം എന്റെ പ്രിയ സുഹൃത്തും അദ്ദേഹത്തിന്റെ പുത്രനുമായ ചാണ്ടി ഉമ്മൻ വന്ന് ആശംസകൾ അറിയിച്ചിരുന്നു… അപ്പയെ കുറിച്ച്‌ അന്വേഷിച്ചപ്പോൾ അദ്ദേഹം പറഞ്ഞത് പ്രാർത്ഥനയിൽ ഉണ്ടാവണം എന്നാണ്..,” ഷെഫ് പിള്ള ഫേസ്ബുക്ക് പോസ്റ്റിൽ കുറിച്ചു.
മലയാളികളുടെ പ്രാർത്ഥനയിലും, ഓർമ്മകളിലൂടെയും ഉമ്മൻ ചാണ്ടി സാർ എന്നും ഉണ്ടായിരിക്കും!!
Summary: Chef Suresh Pillai had the fortune to have cooked food for Oommen Chandy several times. In his latest post, Pillai remembers Chandy expressing the wish to enjoy fish curry meals at his place, after he posted a video on his Facebook post. Pillai also remembers the bonding he has with Chandy Oommen