TRENDING:
ഇന്നലെ സംസ്ഥാനത്ത് പ്രതിദിന കോവിഡ് രോഗികളുടെ എണ്ണം നാൽപ്പതിനായിരം കടന്നിരുന്നു. സംസ്ഥാനത്ത് അതീവ ഗുരുതര സാഹചര്യമെന്നും നിയന്ത്രണങ്ങൾ കൂടുതൽ ഏര്പ്പെടുത്തേണ്ടിവരുമെന്നും വ്യക്തമാക്കിയിരുന്നതാണ്. ഇതിനു പിന്നാലെയാണ് ഒൻപത് ദിവസത്തേക്ക് അടച്ചിടൽ പ്രഖ്യാപിച്ചിരിക്കുന്നത്. അതേസമയം ലോക്ക്ഡൗൺ നിയന്ത്രണങ്ങളെ പറ്റിയുള്ള കൂടുതൽ വിശദാംശങ്ങൾ സർക്കാർ പുറത്തിറക്കിയിട്ടില്ല.
advertisement
ഇതിനിടെ സംസ്ഥാനത്തെ ശ്മശാനങ്ങളില് മൃതദേഹം സംസ്കരിക്കുന്നതിന് ബുക്ക് ചെയ്ത് കാത്തിരിക്കേണ്ട സ്ഥിതിയാണ് നിലനിൽക്കുന്നതെന്ന റിപ്പോർട്ടുകളും പുറത്തുവന്നിരുന്നു. തിരുവനന്തപുരത്ത് കോര്പ്പറേഷന് നടത്തുന്ന വൈദ്യുത ശ്മശാനമായ തൈക്കാട് ശാന്തികവാടത്തില് വെള്ളിയാഴ്ച വൈകുന്നേരത്തേക്ക് വരെയുള്ള ബുക്കിങ് പൂര്ത്തിയായിക്കഴിഞ്ഞു.
Also Read കോവിഡ്: പത്ത് ദിവസത്തിനിടെ മരിച്ചത് ഒൻപത് ക്രിസ്ത്യൻ പുരോഹിതർ
പ്രതിദിനം 24 മൃതദേഹങ്ങള് വരെയാണ് തൈക്കാട് ശാന്തികവാടത്തില് ദഹിപ്പിക്കുന്നത്. ചില ദിവസങ്ങളില് ഇതില് കൂടുതല് മൃതദേഹങ്ങള് എത്തും. അതിനാല് സംസ്കാരത്തിനായി മണിക്കൂറുകള് കാത്തിരിക്കേണ്ട അവസ്ഥയാണ് ഇവിടെയുള്ളത്. മുഴുവന് സമയവും ശ്മശാനങ്ങള് പ്രവര്ത്തിക്കുകയാണ് ഇപ്പോള്. കോവിഡ് ഇതര മൃതദേഹങ്ങള് വിറകുചിതയിലും കോവിഡ് മൃതദേഹങ്ങള് വൈദ്യുത-ഗ്യാസ് ചിതകളിലുമാണ് ശാന്തികവാടത്തില് സംസ്കരിക്കുന്നത്.
Click here to add News18 as your preferred news source on Google.