നേരത്തെ പൊതു സമൂഹത്തില്‍ നിന്നും തന്നെ ഒറ്റപ്പെടുത്താന്‍ ശ്രമമുണ്ടെന്ന് ദീപ നിശാന്ത് ന്യൂസ് 18 നോട് പറഞ്ഞിരുന്നു. തന്നെ ഏല്‍പ്പിച്ച ജോലി പൂര്‍ത്തിയാക്കിയാണ് കലോല്‍സവത്തില്‍ നിന്ന് മടങ്ങുന്നതെന്നും വിവാദങ്ങളെ കുറിച്ച് നിലപാട് നേരത്തെ വ്യക്തമാക്കിയാണെന്നും എന്തുകൊണ്ടാണ് ശ്രീചിത്രനെതിരെ പ്രതിഷേധമില്ലാത്തതെന്നും അവര്‍ ചോദിച്ചിരുന്നു.
Also Read: പൊതു സമൂഹത്തിൽ നിന്നും ഒറ്റപ്പെടുത്താൻ ശ്രമമെന്ന് ദീപ നിശാന്ത്
സ്ത്രീ ആയതിനാലാണ് ഈ വിധം മാറ്റി നിര്‍ത്തുന്നതെങ്കില്‍ നിശബ്ദയാകാന്‍ ഉദ്ദേശിക്കുന്നില്ലെന്നും ദീപ വ്യക്തമാക്കി. കലോത്സവ വേദിയില്‍ വിധികര്‍ത്താവായി എത്തിയ ദീപ നിശാന്തിനെതിരെ ആലപ്പുഴയില്‍ പ്രതിഷേധം ഉണ്ടായിരുന്നു.
advertisement
കലോത്സവ വേദിയിൽ വിധികർത്താവായി ദീപ; പ്രതിഷേധവുമായി സംഘടനകൾ
കലോത്സവത്തിന്റെ ഭാഗമായുള്ള ഉപന്യാസ മത്സരത്തിന്റെ വിധികര്‍ത്താവായാണ് ദീപ നിശാന്ത് എത്തിയത്. എന്നാല്‍, മൂല്യനിര്‍ണയം നടക്കുന്ന വേദിക്ക് സമീപം പ്രതിഷേധവുമായി എ ബി വി പി പ്രവര്‍ത്തകരും യൂത്ത് കോണ്‍ഗ്രസ് പ്രവര്‍ത്തകരും എത്തുകയായിരുന്നു. പ്രതിഷേധം സംഘര്‍ഷത്തിലേക്ക് നീങ്ങിയപ്പോള്‍ പൊലീസ് പ്രവര്‍ത്തകരെ അറസ്റ്റ് ചെയ്ത് മാറ്റി. പിന്നീട് കെഎസ്‌യു വനിതാ പ്രവര്‍ത്തകരും പ്രതിഷേധവുമായി രംഗത്തെത്തിയിരുന്നു ഇവരെയും വനിതാ പൊലീസിന്റെ നേതൃത്വത്തില്‍ അറസ്റ്റ് ചെയ്തു നീക്കിയിരുന്നു.