തൃശൂർ പൂരം: സുരക്ഷയ്ക്കായി നാലായിരത്തിലേറെ പൊലീസുകാർ; ഒരുക്കങ്ങൾ പൂർത്തിയായെന്ന് ഡിജിപി

പൂരം വെടിക്കെട്ടിന് പൊലീസ് തയാറാക്കിയ പ്ലാന്‍ ഡിജിപി പരിശോധിക്കുകയും വെടിക്കെട്ട് നടത്താനായുള്ള തിരുവമ്പാടിയുടെയും പാറമേക്കാവിന്‍റെയും സ്ഥലങ്ങൾ തേക്കിന്‍ കാട് മൈതാനത്തെത്തി അദ്ദേഹം സന്ദർശിക്കുകയും ചെയ്തു. തുടർന്ന് സിറ്റി പോലീസ് കമ്മിഷണറുടെ ഓഫീസിൽ യോഗം ചേർന്നു.

പൂരം കലക്കൽ സംഭവത്തിൽ നടക്കുന്ന ത്രിതല അന്വേഷണത്തില്‍ മനോജ് എബ്രഹാമിന്‍റെ അന്വേഷണ റിപ്പോര്‍ട്ട് സമര്‍പ്പിച്ചിട്ടുണ്ടെന്നും സർക്കാരാണ് ബാക്കി കാര്യങ്ങൾ തീരുമാനിക്കുന്നതെന്നും. കൂടുതൽ പ്രതികരിക്കാനല്ലെന്നും അദ്ദേഹം വ്യക്തമാക്കി.