നായ്ക്കുട്ടിയെ കിണറ്റിലിറങ്ങി രക്ഷിച്ച 60കാരൻ തിരിച്ചുകയറുന്നതിനിടെ വീണ് മരിച്ചു

വീടിനടുത്തുള്ള പുരയിടത്തിലെ പൊട്ടക്കിണറ്റിലാണ് നായ്ക്കുട്ടി വീണത്. കയർകെട്ടി അതിൽ പിടിച്ചാണ് മോഹനൻപിള്ള 15 അടി ആഴമുള്ള കിണറ്റിലിറങ്ങിയത്. ഭാര്യ സുമ കിണറ്റിൻകരയിലുണ്ടായിരുന്നു. നായ്ക്കുട്ടിയുമായി കയറിൽ പിടിച്ചു തിരികെക്കയറുന്നതിനിടെ വീണ്ടും കിണറ്റിലേക്കു വീണു.

Also Read- യൂത്ത് കോൺഗ്രസ് പ്രവർത്തകർ ഏറ്റുമുട്ടി; അനാഥാലയങ്ങളിലെ 200 അന്തേവാസികൾക്ക് ഭക്ഷണം കിട്ടി

നാട്ടുകാരും പിന്നാലെ അഗ്നിരക്ഷാസേനയുമെത്തി ആശുപത്രിയിലെത്തിച്ചെങ്കിലും രക്ഷിക്കാനായില്ല. കിണറ്റിൽ രണ്ടാൾപ്പൊക്കം വെള്ളമുണ്ട്. കിണറ്റിനുള്ളിൽ വായുലഭ്യത കുറവുള്ളതിനാൽ തലകറക്കമുണ്ടായിരിക്കാമെന്നു സംശയിക്കുന്നു.

advertisement

കിണറ്റിലിറങ്ങിയവർ നായ്ക്കുട്ടിയെ രക്ഷപ്പെടുത്തി. കോട്ടയം മെഡിക്കൽ കോളജിലെ പോസ്റ്റ്മോർട്ടത്തിനുശേഷം മൃതദേഹം ഇന്നു ബന്ധുക്കൾക്ക് വിട്ടുനൽകും. സംസ്കാരം ഇന്നു രണ്ടിന്. മക്കൾ: മോനിഷ, പരേതനായ മോനിഷ്. മരുമകൻ: രാജേഷ്.