സീറ്റില്ല;കെ സുധാകരൻ കോൺഗ്രസിൽ തുടരും; കണ്ണൂരിൽ സ്വതന്ത്രനാകില്ല

കണ്ണൂർ സീറ്റിൽ മത്സരിക്കണമെന്ന കാര്യത്തിൽ താൻ വിട്ടുവീഴ്ചയ്ക്ക് തയ്യാറല്ലെന്ന് സുധാകരൻ ഉറച്ച നിലപാടെടുത്തെങ്കിലും, എംപിമാരെ ആരെയും നിയമസഭാ തിരഞ്ഞെടുപ്പിൽ മത്സരിപ്പിക്കേണ്ടതില്ലെന്ന നിലപാടിലായിരുന്നു ഹൈക്കമാൻഡ്. ഇതേച്ചൊല്ലി ഇരുപക്ഷവും തമ്മിൽ വലിയ തർക്കം ഉടലെടുക്കുകയും, തന്റെ ആവശ്യം അംഗീകരിച്ചില്ലെങ്കിൽ കടുത്ത തീരുമാനങ്ങളിലേക്ക് നീങ്ങുമെന്ന് സുധാകരൻ സൂചന നൽകുകയും ചെയ്തിരുന്നു.

കോണ്‍ഗ്രസിന്റെ ആദ്യഘട്ട സ്ഥാനാര്‍ത്ഥി പട്ടിക പുറത്തുവന്നതിന് പിന്നാലെ കെ സുധാകരനെ സ്ഥാനാര്‍ത്ഥി പട്ടികയില്‍ ഉള്‍പ്പെടുത്താത്തതിനെതിരെ സുധാകരന്‍ അനുയായികളുടെ വ്യാപക പ്രതിഷേധമുയര്‍ന്നിരുന്നു.