തെയ്യത്തിന് ചുവടുവച്ച് സൂര്യദേവ്; കുട്ടി ശാസ്തപ്പൻ തിറ മഹോത്സവത്തിൽ വിസ്മയമായി കാരണവർ വെള്ളാട്ടം

തെയ്യക്കോലം കെട്ടുന്നതിന് മുൻപുള്ളതാണ് വെള്ളാട്ടം ചടങ്ങ്. അപൂർവമായി മാത്രമേ കുട്ടികൾ വെള്ളാട്ടം കെട്ടാറുള്ളൂ. കഴിഞ്ഞ വർഷം തോലമ്പ്രശാസ്ത്രി നഗറിൽ പൂതം തെയ്യം കെട്ടിയാടിയെങ്കിലും ആദ്യമായാണ് കാരണവർ തെയ്യത്തിൻ്റെ വെള്ളാട്ടം സൂര്യദേവ് കെട്ടിയാടുന്നത്.

തോലമ്പ്രയിലെ നവഗ്രഹയിൽ ഷാജി പെരുവണ്ണാന്‍റെയും സ്മിതയുടെയും മകനാണ് സൂര്യദേവ്. തെയ്യം കലാകാരന്മാരായ അനുരാഗ്, ആരോമൽ എന്നിവരാണ് സഹോദരങ്ങൾ. തോലമ്പ്ര യു പി സ്കൂളിലെ വിദ്യാർത്ഥിയാണ് സൂര്യദേവ്.