ഒത്തുകൂടാം ഒരുമിച്ച് എന്ന സന്ദേശവുമായി ആറളം ട്രൈബൽ ഫെസ്റ്റിന് തുടക്കം കുറിച്ചു

കണ്ണൂർ ജില്ലാ കളക്ടർ അരുൺ കെ വിജയൻ ഫെസ്റ്റ് ഉത്ഘാടനം ചെയ്തു. പ്രകൃതി ക്ഷോഭങ്ങളിലും വന്യ ജീവി അക്രമണങ്ങളിലും ദുരിതം അനുഭവിക്കുന്ന തദ്ദേശിയ വാസികളുമായി സംസാരിക്കുകയും പ്രശ്ന പരിഹാരങ്ങൾക്ക് കൂടെ ഉണ്ടാവുമെന്ന ഉറപ്പും കളക്ടർ നൽകി. ആറളം ഗ്രാമ പഞ്ചായത്ത്‌ പ്രസിഡൻ്റ് കെ പി രാജേഷ്, ഇരിട്ടി ബ്ലോക്ക്‌ പഞ്ചായത്ത്‌ പ്രസിഡൻ്റ് കെ വേലായുധൻ, അസിസ്റ്റൻ്റ് ജില്ലാ മിഷൻ കോർഡിനേറ്റർമാരായ രാഹുൽ, പി ഒ ദീപ എന്നിവർ പരിപാടിയിൽ പങ്കെടുത്തു.

advertisement

ആറളം മേഖലയിലെ ജനങ്ങൾ നേരിടുന്ന പ്രശ്നങ്ങൾ ചർച്ച ചെയ്യുകയും പ്രശ്ന പരിഹാരത്തിനായി കൂട്ടായ പ്രവർത്തനം നടപ്പിലാക്കുകയും ചെയ്യാനാണ് കുടുംബശ്രീയുടെ നേതൃത്വത്തിൽ ഫെസ്റ്റ് സംഘടിപ്പിച്ചത്. വിവിധ മേഖലകളിൽ ക്ലാസുകളും, സെമിനാറുകളും നടത്തി.