സംസ്ഥാനത്ത് കണ്ടെത്തിയ 327 തരം ചിത്രശലഭങ്ങളില്‍ 266 എണ്ണം ആറളത്ത് കണ്ടെത്തിയിട്ടുണ്ട്. അതില്‍ 27 എണ്ണം സഹ്യപര്‍വത മേഖലയില്‍ മാത്രം കാണുന്ന അപൂര്‍വയിനമാണ്. ആറെണ്ണം അതിപ്രാധാന്യമുള്ള 1972-ലെ വന്യജീവി (സംരക്ഷണ) നിയമത്തിൻ്റെ ഒന്നാം പട്ടികയില്‍ പെടുന്നവയുമാണ്.
1984ലാണ് ആറളം വന്യജീവിസങ്കേതം സ്ഥാപിച്ചത്. 2000 മുതല്‍ മലബാര്‍ നാച്വറല്‍ ഹിസ്റ്ററി സൊസൈറ്റിയുടെ സഹകരണത്തോടെ വനം വകുപ്പ് ആറളത്ത് വാര്‍ഷിക ചിത്രശലഭ സര്‍വേ നടത്തുന്നുണ്ട്. ചിത്രശലഭ സര്‍വേയുടെ 25-ാം വാര്‍ഷികത്തിലാണ് പുതിയ തീരുമാനം വരുന്നത്. ആറളം വന്യജീവിസങ്കേതത്തില്‍ കാണുന്ന ചിലശലഭങ്ങള്‍ സസ്യ വൈവിധ്യത്തിൻ്റെ സൂചകമാണ്. ഡിസംബര്‍, ജനുവരി, ഫെബ്രുവരി മാസങ്ങളില്‍ നടക്കുന്ന ആല്‍ബട്രോസ് ശലഭങ്ങളുടെ വാര്‍ഷിക ദേശാടനമാണ് ആറളം വന്യജീവിസങ്കേതത്തിലെ പ്രധാന ആകര്‍ഷണം. അതിന് പുറമേ വിവിധയിനം ഡാനൈന്‍ സ്പീഷീസുകളുടെ ദേശാടനവും പരിഗണിച്ചാണ് ചിത്രശലഭസങ്കേതമായി പ്രഖ്യാപിക്കുന്നത്.
advertisement