ഇനിയുമുണ്ട് രാജ്യങ്ങൾ, ഇനിയും വേണം ഗാന്ധി സ്റ്റാമ്പുകൾ; അപൂർവ്വ ശേഖരവുമായി കണ്ണൂർ സ്വദേശി

ഗാന്ധിയുടെ തീം മുന്‍ നിര്‍ത്തിയാണ് സ്റ്റാമ്പ് ശേഖരണം ആരംഭിച്ചത്. വിദേശത്തെ സുഹൃത്തുക്കള്‍ വഴിയും നിരവധി സ്റ്റാമ്പുകള്‍ ലഭിച്ചു. 135 രാജ്യങ്ങളിലെ മഹാത്മാഗാന്ധിയുടെ ചിത്രം ആലേഖനം ചെയ്ത സ്റ്റാമ്പുകള്‍ ഇദ്ദേഹത്തിൻ്റെ കയ്യിലുണ്ട്. 160 ലധികം രാജ്യങ്ങളില്‍ മഹാത്മാ ഗാന്ധിയുടെ സ്റ്റാമ്പുകള്‍ ഉണ്ടെന്ന അറിവില്‍ ഇനിയും ബാക്കിയുള്ളവ ശേഖരിക്കാനുള്ള ശ്രമത്തിലാണ് ഇദ്ദേഹം. സ്റ്റാമ്പുകള്‍ക്ക് പുറമെ നാണയങ്ങളുടെ വലിയ ശേഖരവും ഇദ്ദേഹത്തിനുണ്ട്.