ക്ഷീരമേഖലയിൽ പുത്തൻ ഉണർവ്വേകി കുടുംബശ്രീ; പുത്തൂർകുന്നിൽ 'ജീവനം' ക്യാമ്പയിൻ സംഘടിപ്പിച്ചു

കന്നുകാലികളുടെ ആരോഗ്യസംരക്ഷണം ഉറപ്പുവരുത്തി ക്ഷീരമേഖലയില്‍ മെച്ചപ്പെട്ട വരുമാനം കര്‍ഷകര്‍ക്ക് ലഭ്യമാക്കുകയാണ് കുടുംബശ്രീ ഈ ക്യാമ്പയിനിലൂടെ ലക്ഷ്യമിടുന്നത്. ന്യൂട്രിയൻ്റ് കിറ്റ് ഉപയോഗ ക്രമത്തേക്കുറിച്ചും, ശാസ്ത്രീയമായ തീറ്റക്രമത്തെക്കുറിച്ചും പോഷകാഹാര ലഭ്യതയെക്കുറിച്ചും വെറ്ററിനറി സര്‍ജന്‍ ഡോ. അര്‍ച്ചന ക്ലാസെടുത്ത് നല്‍കി.

കുടുംബശ്രീ കണ്ണൂര്‍ ജില്ലാ മിഷന്‍ കോര്‍ഡിനേറ്റര്‍ എം വി ജയന്‍ പദ്ധതി വിശദീകരണം നടത്തുകയും സംരംഭകത്വ സാധ്യതകള്‍ മൂല്യ വര്‍ധിത ഉത്പന്നങ്ങളുടെ അന്താരാഷ്ട്ര തലത്തിലുള്ള വിപണനം എന്നിവയിലെ മെച്ചപ്പെട്ട വരുമാന സാധ്യതകളെപ്പറ്റിയും സംസാരിച്ചു. വാര്‍ഡ് മെമ്പര്‍ എം വി വിനോദ്, കുടുംബശ്രീ സി ഡി എസ് ചെയര്‍പേഴ്‌സണ്‍ കെ ജി ബിന്ദു എന്നിവര്‍ പരിപാടിയില്‍ പങ്കെടുത്തു. 60 ക്ഷീര കര്‍ഷകര്‍ 'ജീവനം' ക്യാമ്പയിനില്‍ പങ്കാളികളായി.

advertisement