87 ലക്ഷത്തിൻ്റെ അമൃത് പദ്ധതി; കല്ലൂർ മഹാവിഷ്ണു ക്ഷേത്രക്കുളം ഉൾപ്പെടെ പത്തോളം കുളങ്ങൾ നവീകരിക്കും

പദ്ധതിയുടെ ഭാഗമായി കല്ലൂര്‍ മഹാവിഷ്ണു ക്ഷേത്രകുളത്തിൻ്റെ നവീകരണമാണ് ഇപ്പോള്‍ നടക്കുന്നത്. നഗരസഭയിലെ പത്തോളം കുളങ്ങള്‍ നവീകരിക്കാനുള്ള പദ്ധതിയും തയ്യാറാക്കുന്നുണ്ട്. 2022-23 വര്‍ഷത്തില്‍ നഗരസഞ്ചയം പദ്ധതിയില്‍ ഉള്‍പ്പെടുത്തി 7 കോടിയോളം രൂപ ചെലവഴിച്ച് 14 കുളങ്ങള്‍ നവീകരിച്ചിരുന്നു.

കുളം സംരക്ഷണത്തിലൂടെ ഭൂഗര്‍ഭ ജലത്തിൻ്റെ തോത് നിലനിര്‍ത്തുകയും കുടിവെള്ള ക്ഷാമത്തിന് പരിഹാരം കാണുകയും ലക്ഷ്യമിടുകയാണ് നഗരസഭ. ഇതിനായി തോടുകളുടെ നവീകരണം ഉള്‍പ്പടെ പ്രവൃത്തികള്‍ ഇനിയും നടപ്പാക്കാനുണ്ട്.