പാഠപുസ്തകത്തിലെ പലഹാര അറിവ് അനുഭവിച്ചറിഞ്ഞ് കുരുന്നുകൾ; പാനൂര്‍ ശ്രീ നാരായണ യു പി സ്‌കൂളിലെ രുചിമേള ശ്രദ്ധേയമായി

വീടുകളിലും മറ്റും നാം ഏതൊക്കെ തരത്തിലെ പലഹാരങ്ങളാണ് ഉപയോഗിക്കുന്നത്, ഏതൊക്കെ രുചികളിലാണ് ഇവ നമ്മുക്ക് ലഭിക്കുന്നത്, എങ്ങനെയാണ് പാകം ചെയ്യുന്നത് തുടങ്ങിയ അറിവുകള്‍ കുരുന്നുകളിലേക്ക് എത്തിക്കാനാണ് മേള നടത്തിയത്. ഉണ്ണിയപ്പം, കല്‍ത്തപ്പം, നെയ്യപ്പം, ഹല്‍വ, പഴംപൊരി, മാര്‍ബിള്‍ കേക്ക് തുടങ്ങി 50ല്‍ പരം പലഹാരങ്ങള്‍ പ്രദര്‍ശനത്തിനൊരുക്കി.

രുചി മേള ഗുരുസന്നിധി പ്രസിണ്ടൻ്റ് പ്രദീപന്‍ മാസ്റ്റര്‍ ഉദ്ഘാടനം ചെയ്തു. പ്രിന്‍സിപ്പള്‍ അശോകന്‍ മാസ്റ്റര്‍ അധ്യക്ഷനായി.