പഴശ്ശിരാജയുടെ വീരസ്മരണകൾക്ക് പുതുജീവൻ; ഉദ്ഘാടനത്തിനൊരുങ്ങി നവീകരിച്ച പഴശ്ശി സ്മൃതി മന്ദിരം

പഴശ്ശി സ്മൃതി മന്ദിരം ചരിത്ര ഗവേഷണ കേന്ദ്രമാക്കുക ലക്ഷ്യമിട്ട് മന്ദിരത്തോട് ചേര്‍ന്ന് നഗരസഭ കൂടുതല്‍ സ്ഥലം വാങ്ങുകയും ടൂറിസം വകുപ്പിൻ്റെ സഹകരണത്തോടെ നവീകരണം നടത്തുകയും ചെയ്തു. 2.64 കോടി രൂപ ചെലവാക്കിയാണ് നവീകരണ പദ്ധതി നടപ്പാക്കിയത്. പഴശ്ശിരാജയുടെ കാലഘട്ടത്തില്‍ ഉണ്ടായിരുന്ന കുളം നവീകരിക്കുകയും കുളത്തിന് മുകളില്‍ നിര്‍മ്മിച്ച സ്മൃതി മന്ദിരം പുതുക്കി പണിയുകയും ആംഫി തിയ്യറ്റര്‍, വിശ്രമ കേന്ദ്രം, കുട്ടികളുടെ കളിസ്ഥലം, ഫുഡ് കോര്‍ട്ട് എന്നിവ നിര്‍മ്മിക്കുകയാണ് പദ്ധതി. വീട്ടിത്തടിയില്‍ നിര്‍മിച്ച പഴശ്ശിരാജാ പ്രതിമയും പഴശ്ശി ചരിത്രവുമായി ബന്ധപ്പെട്ട പോരാട്ട വീര്യത്തിൻ്റെ ചുമര്‍ ചിത്രങ്ങളും സ്മൃതി മന്ദിരത്തിലുണ്ട്.

advertisement