കാട്ടാള വേഷത്തിൽ ശിവ ഭഗവാന്‍, പയ്യന്നൂരിലെ പൂരത്തിന് കൗതുകമായി 'വാഴച്ഛൻ പോതി' പുറപ്പാട്

ശിവൻ്റെ കാട്ടാള വേഷം കിരാതമൂര്‍ത്തിയെ അനുസ്മരിപ്പിക്കുന്ന വിധമാണ് വാഴച്ഛൻ പോതി അവതരണം. കിരാതമൂര്‍ത്തി ആരാധന മൂര്‍ത്തി സമ്പ്രദായമുള്ളതിനാല്‍ ശിവസങ്കല്‍പ്പത്തെക്കുറിച്ചുള്ള ഒരുപാട് ആചാരങ്ങളും ഇവിടെ നടന്നു വരുന്നു. പണ്ട് അര്‍ജ്ജുനനെ പരീക്ഷിക്കുന്നതിനും അദ്ദേഹത്തിന് 'പാശുപതാസ്ത്രം' നല്‍കുന്നതിനും വേണ്ടിയാണ് ശിവന്‍ കാട്ടാള വേഷത്തിലെത്തിയെന്നാണ് വിശ്വാസം. ക്ഷേത്രത്തിലെ വാഴച്ഛൻ പോതിയുടെ അരങ്ങേറ്റവും അങ്ങനെ തന്നെ.

മലബാറിലെ പൂര രാവുകളില്‍ മാറ്റ് കൂട്ടുന്ന തിന്മയെ ജയിച്ച് നന്മ വാഴുമെന്ന സന്ദേശം നല്‍കിയാണ് ക്ഷേത്രത്തില്‍ വാഴച്ഛൻ പോതി അവതരിക്കുന്നത്. ഏറെ പരിചിതമല്ലെങ്കിലും രൂപം കൊണ്ട് തന്നെ വ്യത്യസ്തമായ വാഴഛൻ പോതി പുറപ്പാട് കാണാന്‍ നിരവധി പേരാണ് എത്തിയത്.

advertisement