പതിവ് തെറ്റിയില്ല, ഇത്തവണയും അയ്യപ്പ ഭക്തര്‍ക്ക് അന്നദാനം ഒരുക്കി തിരുവങ്ങാട് അയ്യപ്പ സേവാസംഘം

സി.കെ. ശ്രീനിവാസന്‍ ഭദ്രദീപം തെളിയിച്ചാണ് അന്നദാന ചടങ്ങുകള്‍ക്ക് തുടക്കമിട്ടത്. കൊളക്കോട്ട് ചന്ദ്രശേഖരന്‍ ചടങ്ങ് ഉദ്ഘാടനം ചെയ്തു. അന്നദാന വിതരണ ഉദ്ഘാടനം കെ പ്രമോദ് ധര്‍മ്മടം നിര്‍വഹിച്ചു. അയ്യപ്പ സേവാ സംഘം പ്രസിഡൻ്റ് കെ.എം.ധര്‍മ്മപാലന്‍ അധ്യക്ഷനായി.

ദൂര ദേശങ്ങളില്‍ നിന്നും അമ്പല ദര്‍ശനം നടത്തി ശബരിമലയിലേക്ക് യാത്ര തിരിക്കുന്ന അയ്യപ്പന്മാര്‍, ശ്രീരാമസ്വാമി ക്ഷേത്ര സന്നിധിയിലെത്തുന്ന അയ്യപ്പന്മാര്‍ എന്നിങ്ങനെ അയ്യപ്പന്മാര്‍ക്കും വിശ്വാസികള്‍ക്കും വിശപ്പകറ്റാനായി വര്‍ഷങ്ങളായി അയ്യപ്പ സേവാസംഘം അന്നദാനം നടത്തിവരുന്നുണ്ട്. ഇത്തവണയും മുടക്കമില്ലാതെ 41 നാളും ഭക്തര്‍ക്കായി അന്നദാനം നടത്താനാകുമെന്ന സന്തോഷത്തിലാണ് അയ്യപ്പസേവാസംഘം. വിശ്വാസികള്‍ക്ക് കഞ്ഞി വിതരണം സ്‌പോണ്‍സര്‍ ചെയ്യാനുള്ള അവസരവും ഇവര്‍ ഒരുക്കിയിട്ടുണ്ട്.

advertisement