ആന കേറാത്ത അമ്പലം; തൃച്ചംബരം ശ്രീകൃഷ്ണ ക്ഷേത്രം

കംസവധത്തിനു ശേഷം വിശക്കുന്ന വയറുമായി ഓടിയെത്തിയ ശ്രീകൃഷ്ണന് അമ്മ പഴഞ്ചോറ് നല്കി എന്നാണ് വിശ്വാസം. ഇതിൻ്റെ തുടര്‍ച്ചയായി പുലര്‍ച്ചെ ക്ഷേത്രനട തുറക്കുമ്പോള്‍ ആദ്യം വെള്ള നേദിക്കുകയും അതിനു ശേഷം അഭിഷേകം നടത്തുകയുമാണ് ചെയ്യുന്നത്. പ്രധാന വഴിപാട് പായസമാണെങ്കിലും ആയിരം അപ്പം വഴിപാടും ഇവിടെ നടക്കാറുണ്ട്.

മലബാറിലെ തന്നെ വിശ്വാസികളുടെ പ്രധാന ഉത്സവങ്ങളിലൊന്നാണ് തൃച്ചംബരം ക്ഷേത്രത്തിലെ ഉത്സവം. നൃത്തോത്സവം, ബാലലീലോത്സവം, ദേവോത്സവം, മഹോത്സവം തുടങ്ങിയവയാണ് പ്രധാന ആഘോഷങ്ങള്‍. കൂട്ടത്തിലോട്ടം, ആനന്ദനൃത്തം, കൂടിപ്പിരിയല്‍ തുടങ്ങിയവയും ഉത്സവത്തിൻ്റെ ഭാഗമാണ്.

advertisement

നിര്‍മ്മാല്യദര്‍ശനം ശുഭകരമല്ലാത്ത കേരളത്തിലെ ഏക ക്ഷേത്രമാണ് തൃച്ചംബരം. രൗദ്രഭാവത്തിലുള്ള കൃഷ്ണനാകയാല്‍ പുലര്‍ച്ചെ അഭിഷേകം കഴിഞ്ഞ് ശാന്തമായി നില്‍ക്കുന്ന സമയത്ത് തൊഴുന്നതാണ് അഭികാമ്യം എന്നാണ് വിശ്വാസം. അതുകൊണ്ടു തന്നെ പുലര്‍ച്ചെയാണ് കൂടുതലും വിശ്വാസികള്‍ ഇവിടെ എത്തിച്ചേരുന്നത്.