വിഷുവിനെ വരവേൽക്കാൻ കണ്ണൂരിൽ കൈത്തറി വസന്തം; പൊലീസ് മൈതാനത്ത് മേളയ്ക്ക് തുടക്കമായി

പങ്കെടുക്കുന്ന കൈത്തറി സംഘങ്ങളില്‍ നിന്ന് ഉത്പന്നങ്ങള്‍ വാങ്ങുന്ന ഓരോ ആയിരം രൂപയുടെ ബില്ലിനും നറുക്കെടുപ്പിലൂടെ ദിവസവും മൂന്ന് ഭാഗ്യശാലികള്‍ക്ക് 1000 രൂപ വിലമതിക്കുന്ന കൈത്തറിവസ്ത്രങ്ങള്‍ സമ്മാനമായി നല്‍കും. ജില്ലാ വ്യവസായ കേന്ദ്രം ഡെപ്യൂട്ടി രജിസ്ടാറും കൈത്തറി വികസനസമിതി കണ്‍വീനറുമായ കെ.പി. ഗിരീഷ് കുമാര്‍ കൈത്തറി മേളയുടെ ഉദ്ഘാടനം നിര്‍വഹിച്ചു.

പ്രതിസന്ധിയിലാകുന്ന കൈത്തറി മേഖലയെ ഉയര്‍ത്തി കൊണ്ടുവരിക ലക്ഷ്യമിട്ടാണ് മേള ഒരുക്കിയത്. മേള 14-ന് സമാപിക്കും. ജില്ലാ വ്യവസായകേന്ദ്രം മാര്‍ക്കറ്റിങ് അസിസ്റ്റൻ്റ് ബോബി അഗസ്റ്റിന്‍, കൈത്തറി വികസനസമിതി അംഗങ്ങളായ കെ.വി. സന്തോഷ് കുമാര്‍, വി.കെ. വിജയന്‍, എം. സുജേഷ് എന്നിവര്‍ പങ്കെടുത്തു.

advertisement