ഓഫീസിൽ ആവശ്യത്തിന് ജീവനക്കാരില്ല; പഞ്ചായത്ത് ഓഫീസ് താഴിട്ട് പൂട്ടി പ്രസിഡന്റിന്റെ പ്രതിഷേധം

ജീവനക്കാരുടെ ഒഴിവ് നികത്തണമെന്നാവശ്യപെട്ട് പഞ്ചായത്ത് പ്രസിഡൻറ് ബി. ശാന്തയുടെ നേതൃത്വത്തിൽ അംഗങ്ങൾ ഓഫീസ് താഴിട്ട് പൂട്ടുകയായിരുന്നു. അസിസ്റ്റൻറ് എൻജിനീയർ ഉൾപ്പെടെ നാല് ഒഴിവുകളാണ് പഞ്ചായത്തിൽ ഉള്ളത്. ഇതുമൂലം 300 ലധികം പദ്ധതികളാണ് മുടങ്ങിക്കിടക്കുന്നതെന്നും പരാതിയുണ്ട്.

ആര്യാടൻ ഷൗക്കത്തിനെ സിപിഎമ്മിലേക്ക് സ്വാഗതം ചെയ്ത് എ.കെ ബാലൻ

യുഡിഎഫ് , ബിജെപി അംഗങ്ങളുടെ നേതൃത്വത്തിലായിരുന്നു പ്രതിഷേധം. നിലവിൽ യു.ഡി.എഫിനാണ് പഞ്ചായത്ത് ഭരണം. പ്രശ്നത്തിന് പരിഹാരമുണ്ടാകുന്നതു വരെ ശക്തമായ സമരപരിപാടികളുമായി മുന്നോട്ട് പോകാനാണ് ഭരണസമിതിയുടെയും ബിജെപി അംഗങ്ങളുടെയും തീരുമാനം.

advertisement

ജില്ലയിൽ മറ്റ് പഞ്ചായത്ത് ഓഫീസുകളിലും സമാനമായ പ്രശ്നം നിലനിൽക്കുന്നുണ്ടെന്നും പരാതിയുണ്ട്. മംഗൽപാടി പഞ്ചായത്തിലും ബിജെപി അംഗങ്ങളുടെ നേതൃത്വത്തിൽ താഴിട്ട് പൂട്ടി പ്രതിഷേധ സമരം നടത്തിയിരുന്നു.