കൊച്ചി മെട്രോ സ്റ്റേഷനിൽ ഇനി പ്രീമിയം മദ്യവും; ബെവ്കോയുടെ സൂപ്പർ പ്രീമിയം ഔട്ട്ലെറ്റിന് തുടക്കം

സാധാരണക്കാർക്ക് അപ്പുറം വിനോദസഞ്ചാരികളെയും പ്രീമിയം മദ്യം ആഗ്രഹിക്കുന്നവരേയും ലക്ഷ്യമിട്ടാണ് ബെവ്കോ പുതിയ സംരംഭം ആരംഭിച്ചത്. കോഴിക്കോടിനും തൃശൂരിനും ശേഷം ബെവ്കോ തുറക്കുന്ന മൂന്നാമത്തെ സൂപ്പർ പ്രീമിയം ഔട്ട്‍ലെറ്റാണിത്. ഉദ്ഘാടനശേഷം ആദ്യ വിൽപനയും ലോക്നാഥ് ബഹ്റ നിർവഹിച്ചു. എക്സൈസ് കമ്മിഷണർ എം ആർ അജിത് കുമാർ ആദ്യ ബോട്ടിൽ സ്വീകരിച്ചു.

ഇതും വായിക്കുക: ഫെനിക്കായി ഇനി ഗോവയിൽ പോകണ്ട; കേരളത്തിന്റെ സ്വന്തം 'കണ്ണൂർ ഫെനി' മാർച്ചിൽ വിപണിയിലെത്തും

ഏഴായിരം കേസ് മദ്യമാണ് പുതിയ ഔട്ട്ലെറ്റിലുള്ളത്. കഴിഞ്ഞ വർഷം ഏപ്രിലിലാണ് കൊച്ചി മെട്രോയുടെ വൈറ്റില, വടക്കേക്കോട്ട സ്റ്റേഷനുകളിൽ ഔട്ട്‍ലെറ്റുകൾ തുടങ്ങാൻ കെഎംആർഎല്ലും ബെവ്കോയും തമ്മിൽ കരാറിലെത്തിയത്. ഇതിന് പിന്നാലെ എക്സൈസ് വകുപ്പ് അനുമതി നൽകുകയായിരുന്നു. ഔട്ട്ലെറ്റ് ഒക്കെ വന്നെങ്കിലും സീൽ പൊട്ടിക്കാത്ത മദ്യകുപ്പിയുമായേ മെട്രോ ട്രെയിനിൽ യാത്ര ചെയ്യാൻ കഴിയുകയുളുവെന്നാണ് മെട്രോ അധികൃതരുടെ മുന്നറിയിപ്പ്.

advertisement

Summary: In a first-of-its-kind move for the city's transport hub, the Kerala State Beverages Corporation (Bevco) has opened a Super Premium Outlet at the Vytilla Metro Station. Named 'High Spirit - A Bevco Boutique,' the outlet was inaugurated by Kochi Metro MD Loknath Behra. It marks Bevco's third super premium outlet in the state, following Kozhikode and Thrissur.