ജനഹൃദയങ്ങളിൽ ഇടംപിടിച്ച് 'ഒപ്പം' മെഡിക്കൽ ക്യാമ്പ്; ആശ്വാസമായി സൗജന്യ ശസ്ത്രക്രിയകളും തുടർചികിത്സയും

കഴിഞ്ഞ തവണത്തെ ക്യാമ്പിലൂടെയാണ് ഹംസയുടെ ജീവിതത്തിൽ വെളിച്ചം മടങ്ങി എത്തിയത്. കാഴ്ചയെ പൂർണ്ണമായും ബാധിച്ച തിമിരത്തിന് 'ഒപ്പം' ക്യാമ്പിലൂടെ സൗജന്യമായി ശസ്ത്രക്രിയ നടത്തി. ലോകത്തെ വീണ്ടും വ്യക്തമായി കാണാൻ സാധിച്ചതിൻ്റെ വലിയ ആവേശവുമായാണ് ഹംസ അഞ്ചാം പതിപ്പായ ഇത്തവണത്തെ ക്യാമ്പിലേക്കും എത്തിയത്. കാഴ്ചയുടെ പ്രശ്നത്തിന് പരിഹാരമായെങ്കിലും അദ്ദേഹത്തെ അലട്ടിയിരുന്ന ശ്വാസംമുട്ടലിനും കാൽമുട്ട് വേദനയ്ക്കും ഇത്തവണ കൃത്യമായ ചികിത്സാ നിർദ്ദേശങ്ങളും മരുന്നുകളും ലഭ്യമാക്കി. തുടർചികിത്സയും മരുന്നുകളും മുടങ്ങാതെ ലഭിക്കാനുള്ള സൗകര്യവും പദ്ധതിയുടെ ഭാഗമായി ഉറപ്പാക്കിയിട്ടുണ്ട്. സാധാരണക്കാർക്ക് ചികിത്സാ ചിലവുകൾ വലിയ ഭാരമാകുന്ന കാലത്ത്, ശസ്ത്രക്രിയയും മരുന്നുകളും സൗജന്യമായി നൽകി തണലാകുന്ന ഈ ജനകീയ പദ്ധതി തനിക്ക് വലിയൊരു അനുഗ്രഹമാണെന്ന് ഹംസ പറയുന്നു.

advertisement