വികസന കുതിപ്പിൽ കാര്യറ; സ്കൂൾ കെട്ടിടത്തിന് പിന്നാലെ 8.5 കോടിയുടെ കുടിവെള്ള പദ്ധതിയും പുതിയ ബസ് സർവീസും

പരിപാടിയിൽ അധ്യക്ഷത വഹിച്ച ഗതാഗത വകുപ്പ് മന്ത്രി കെ.ബി. ഗണേഷ് കുമാർ, വിദ്യാഭ്യാസ നവീകരണ പദ്ധതിയുടെ ഭാഗമായി പത്തനാപുരം നിയോജകമണ്ഡലത്തിലെ എല്ലാ സ്കൂളുകളിലും അടിസ്ഥാന സൗകര്യങ്ങൾ മെച്ചപ്പെടുത്തിയതായി അറിയിച്ചു. ആസ്തി വികസന നിധിയിൽ നിന്ന് ഒരു കോടി രൂപ ചെലവഴിച്ചാണ് പുതിയ സ്കൂൾ കെട്ടിടം നിർമിച്ചതെന്നും, മണ്ഡലത്തിലെ 55 സ്കൂളുകളിലും 44 അംഗൻവാടികളിലും നവീകരണ പ്രവർത്തനങ്ങൾ പുരോഗമിക്കുകയാണെന്നും മന്ത്രി പറഞ്ഞു. കാര്യറയിലെ കുടിവെള്ള പദ്ധതിക്കായി 8.5 കോടി രൂപ അനുവദിച്ചതായും, പി.വി. ജംഗ്ഷൻ വഴി പുതിയ ബസ് സർവീസ് ആരംഭിക്കുമെന്നും അദ്ദേഹം അറിയിച്ചു. വിളക്കുടി–കാര്യറ റെയിൽവേ മേൽപ്പാലത്തിൻ്റെ നിർമ്മാണം വേഗത്തിൽ ആരംഭിക്കുമെന്നും മന്ത്രി വ്യക്തമാക്കി. ചടങ്ങിൽ വിളക്കുടി ഗ്രാമപഞ്ചായത്ത് പ്രസിഡൻ്റ് വി.എം. മഞ്ജു, വൈസ് പ്രസിഡൻ്റ് ജെ. സജീവൻ, ബ്ലോക്ക് പഞ്ചായത്ത് അംഗം ജി. ശ്രീജ, സ്കൂൾ ഹെഡ്മിസ്ട്രസ് പി. രേഖ, സ്ഥിരംസമിതി അധ്യക്ഷർ, പഞ്ചായത്ത് അംഗങ്ങൾ, രാഷ്ട്രീയകക്ഷി നേതാക്കൾ, വിവിധ വകുപ്പ് ഉദ്യോഗസ്ഥർ എന്നിവർ പങ്കെടുത്തു.

advertisement