ഹെൽത്തി കേരള ക്യാമ്പയിൻ: കൊല്ലത്തിൻ്റെ ആരോഗ്യത്തിനായി 'ആരോഗ്യ വണ്ടി' പര്യടനം തുടങ്ങി

ജില്ലയിലെ എല്ലാ ആരോഗ്യ ബ്ലോക്കുകളിലും ബോധവല്‍ക്കരണ പരിപാടികളും, എക്‌സിബിഷനും ആരോഗ്യ പരിശോധനകളും സംഘടിപ്പിക്കും. ആരോഗ്യവകുപ്പിൻ്റെ സേവനങ്ങള്‍, ആരോഗ്യ മേഖലയിലെ വികസന പ്രവര്‍ത്തനങ്ങളുടെ വീഡിയോ, പോസ്റ്ററുകള്‍ എന്നിവയും ആരോഗ്യ സന്ദേശയാത്രയുടെ വാഹനത്തില്‍ പ്രദര്‍ശിപ്പിക്കും. ജില്ലാ പ്രോഗ്രാം മാനേജര്‍ ഡോ. ദേവ് കിരണ്‍ പദ്ധതി വിശദീകരിച്ചു. ഡെപ്യൂട്ടി ഡി.എം.ഒ. ഡോ. എ.ആര്‍. ശ്രീഹരി, ജൂനിയര്‍ അഡ്മിനിസ്‌ട്രേറ്റീവ് മെഡിക്കല്‍ ഓഫീസര്‍ ഡോ. ക്ലെനിന്‍ ഫെറിയ, ജില്ലാ പ്രോഗ്രാം ഓഫീസര്‍മാര്‍ തുടങ്ങിയവര്‍ പരിപാടിയില്‍ പങ്കെടുത്തു.