പാലക്കാട് ഗുരുവായൂരപ്പനും ശിവനും പഞ്ചായത്ത് തെരഞ്ഞെടുപ്പിൽ ഏറ്റുമുട്ടുന്നു; ഒപ്പം മുരുകനും കാളിദാസനും

കൊല്ലങ്കോട് നെന്മേനി വാർഡിലാണ് ദൈവങ്ങളുടെ പേരിലെ സ്ഥാനാർത്ഥികൾ മത്സരിക്കുന്നത്. വാർഡിലെ യുഡിഎഫ് സ്ഥാനാർഥിയാണ് കെ. ഗുരുവായൂരപ്പൻ, ആർ. ശിവൻ എൽഡിഎഫ് സ്ഥാനാർഥിയും. ഇരുവരും നിലവിൽ പഞ്ചായത്ത് അംഗങ്ങളാണ്.

കൊല്ലങ്കോട്ടെത്തിയ വിനോദ സഞ്ചാരികളിലൊരാൾ ഇവരുടെ തിരഞ്ഞെടുപ്പു ബോർഡുകൾ സമൂഹമാധ്യമത്തിൽ പങ്കുവച്ചതോടെയാണ് ഇക്കാര്യം ചർച്ചയായത്. വാ‍ർഡ് തിരഞ്ഞെടുപ്പിലെ കൗതുകം ഇൻസ്റ്റഗ്രാം പേജിലൂടെ 30 ലക്ഷത്തിലേറെ പേരാണു കണ്ടത്. പൊള്ളാച്ചിയോട് ചേർന്നു കിടക്കുന്ന പാലക്കാടൻ ഗ്രാമമായ കൊല്ലങ്കോട് രണ്ടു വർഷം മുൻപ് ഓർക്കാപ്പുറത്താണ് ‘വൈറല്‍’ ആയത്. ‘കളേഴ്സ് ഓഫ് ഭാരത്’ എന്ന ഇൻസ്റ്റഗ്രാം പേജിലൂടെ ഇന്ത്യയിലെ മനോഹര ഗ്രാമങ്ങൾ പരിചയപ്പെടുത്തുന്ന ഏതാനും ചെറുപ്പക്കാർ എത്തിയതോടെയാണ് സംഭവം വൈറൽ ആയത്.

advertisement

‘ഞാൻ കാണാൻ ആഗ്രഹിക്കുന്ന മൂന്നാമത്തെ മനോഹര ഗ്രാമം’ എന്ന് പ്രമുഖ വ്യവസായി ആനന്ദ് മഹീന്ദ്ര ‘കളേഴ്സ് ഓഫ് ഭാരതി’നെ ടാഗ് ചെയ്ത് ട്വീറ്റ് ചെയ്തതോടെ കൊല്ലങ്കോടിന്റെ തലവര മാറി.

പാലക്കാട് നിന്നും 22 കിലോമീറ്ററും പൊള്ളാച്ചിയിൽ നിന്ന് 36 കിലോമീറ്ററുമാണ് ഇവിടേക്ക് ദൂരം. തമിഴ് സ്വാധീനമുള്ള പ്രദേശമായതിനാൽ ഇവിടത്തെ ആളുകളുടെ ഏറെയും പേരുകൾ ദൈവനാമത്തിലാണ്.

Summary: Guruvayurappan and Sivan are facing off in the panchayat elections. Murugan and Kalidasan are next in line. The incident took place in Kollengode, which is included in the list of beautiful villages in the country. The candidates in the name of the gods are contesting in the Nenmeni ward of Kollengode. K. Guruvayurappan is the UDF candidate in the ward, and R. Sivan is the LDF candidate. Both are currently panchayat members. The matter came to light after one of the tourists who visited Kollengode shared their election boards on social media.