KPCC പ്രസിഡന്റ് സണ്ണി ജോസഫിന്റെ സ​ഹോദരൻ ബിജെപിയിൽ

തന്റെ ഗ്യാസ് ഏജൻസി ലൈസൻസുമായി ബന്ധപ്പെട്ട പ്രശ്നങ്ങളിൽ അധികൃതർ തിരിഞ്ഞുനോക്കാത്തതാണ് പാർട്ടി മാറാൻ കാരണമെന്ന് ഷാജി വ്യക്തമാക്കി. ഏതാനും ദിവസങ്ങൾക്ക് മുമ്പ് ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ പങ്കെടുത്ത മമ്പറത്തെ അദാലത്തിൽ ഷാജി നിവേദനവുമായി എത്തിയിരുന്നു. അന്ന് ബിജെപിയിൽ ചേരുമോ എന്ന ചോദ്യത്തിന് അദ്ദേഹം വ്യക്തമായ മറുപടി നൽകിയിരുന്നില്ല.

സണ്ണി ജോസഫ് പേരാവൂർ മണ്ഡലത്തിൽ സ്ഥാനാർത്ഥിയായി പ്രഖ്യാപിക്കപ്പെട്ടതിന് തൊട്ടുപിന്നാലെയാണ് സഹോദരന്റെ ഈ രാഷ്ട്രീയ മാറ്റം എന്നത് ശ്രദ്ധേയമാണ്.