ഉമ്മൻചാണ്ടി അനുസ്മരണം; മുഖ്യമന്ത്രിയുടെ പ്രസംഗം തടസപ്പെടുത്തിയതിനെടുത്ത മൈക്ക് കേസ് അവസാനിപ്പിച്ചു

ഉമ്മൻചാണ്ടി അനുസ്മരണത്തിൽ മുഖ്യമന്ത്രി സംസാരിക്കുന്നതിനിടെയാണ് മൈക്കിന്റെ ശബ്ദം ഉയർന്നത്. സാങ്കേതിക പിഴവെന്നാണ് വിലയിരുത്തൽ. കേസിൽ അന്വേഷണം വേണ്ടെന്ന് മുഖ്യമന്ത്രി നിർദ്ദേശിച്ചിരുന്നു. സദസ്സിൽ നിന്ന് മുദ്രാവാക്യം വിളി ഉയർന്നതും അതേസമയം തന്നെ മൈക്കിന്റെ ശബ്ദം ഉയർന്നതും സംശയത്തിന് ഇട നൽകിയിരുന്നു.

Also Read- മൈക്കും ആംപ്ലിഫയറും കേബിളും ഉടമയ്ക്ക് തിരികെ നൽകി; പൊലീസ് നടപടി കേസ് വേണ്ടെന്ന മുഖ്യമന്ത്രിയുടെ നിർദേശത്തിന് പിന്നാലെ

എന്നാൽ ആൾക്കൂട്ട ബഹളത്തിനിടെ കൺസോളിലേക്ക് ബാഗ് വീണതാണ് തകരാറിന് കാരണമെന്ന് മൈക്ക് സെറ്റ് ഉടമ വ്യക്തമാക്കിയിരുന്നു. മൈക്ക് സെറ്റും ഉപകരണങ്ങളും പോലീസ് കസ്റ്റഡിയിലെടുത്തെങ്കിലും പിന്നീട് ഉടമ രഞ്ജിത്തിന് വിട്ടുകൊടുത്തു.

advertisement

Also Read- ‘ഉമ്മ‍ൻചാണ്ടി അനുസ്മരണ യോഗത്തിൽ മുഖ്യമന്ത്രിയെ വിളിച്ചുവരുത്തി കോൺഗ്രസ് അപമാനിച്ചു’; പി കെ ശ്രീമതി

കെപിസിസി സംഘടിപ്പിച്ച ഉമ്മൻ ചാണ്ടി അനുസ്മരണത്തിന് മൈക്ക് തകരാറിലായതിനു കഴിഞ്ഞ ദിവസമാണു പൊലീസ് കേസെടുത്തത്. ആരും പരാതി നൽകാതെ പൊലീസ് സ്വമേധയാ കേസെടുക്കുകയായിരുന്നു. മുഖ്യമന്ത്രി സംസാരിക്കുന്നതിനിടെ മൈക്കിന്റെ ശബ്ദം ഉയരുകയായിരുന്നു. മൈക്ക് തകരാര്‍ മനഃപൂര്‍വമല്ലെന്ന് ഉടമ വ്യക്തമാക്കിയിരുന്നു. വലിയ തിരക്കില്‍ ആളുകളുടെ കൈ തട്ടിയതിനെത്തുടര്‍ന്നായിരുന്നു മൈക്ക് ഹൗളിങ് സംഭവിച്ചതെന്നായിരുന്നു ഉടമയുടെ വാദം.