COVID 19 | മന്ത്രി വി.എസ് സുനിൽ കുമാറിന്റെ കോവിഡ് പരിശോധനാഫലം നെഗറ്റീവ്

കഴിഞ്ഞദിവസം കോവിഡ് സ്ഥിരീകരിച്ച ആരോഗ്യപ്രവർത്തകയുടെ സമ്പർക്കപട്ടികയിൽ മന്ത്രിയും ഉണ്ടായിരുന്നു. ഇതിനെ തുടർന്ന് ഇന്നലെ മുതൽ മന്ത്രി സ്വയം ക്വാറന്റീനിൽ പ്രവേശിച്ചു. തുടർന്ന്, ഇന്ന് രാവിലെ മന്ത്രിയുടെ സ്രവ സാംപിളുകൾ എടുത്ത് പരിശോധനയ്ക്ക് അയയ്ക്കുകയായിരുന്നു.

കോവിഡ് സ്ഥിരീകരിച്ച ആരോഗ്യപ്രവർത്തകയും എറണാകുളം ജില്ലയിലെ കോവിഡ് പ്രതിരോധ പ്രവർത്തനങ്ങൾക്ക് നേതൃത്വം നൽകുകയായിരുന്ന മന്ത്രിയും ഈ മാസം 15ന് നടന്ന യോഗത്തിൽ ഒരുമിച്ച് ഉണ്ടായിരുന്നു. ഈ സാഹചര്യത്തിലാണ് മന്ത്രി ഉൾപ്പെടെയുള്ളവരോട് നിരീക്ഷണത്തിൽ കഴിയാൻ മെഡിക്കൽ ബോർഡ് നിർദ്ദേശിച്ചത്.

advertisement