PC George| 'പിണറായി തിരിച്ചു വന്ന ഉടൻ രാജി വെച്ച് റിയാസിനെ മുഖ്യമന്ത്രി ആക്കണം; ആ പയ്യൻ കൊള്ളാം' 

പിണറായി വിജയൻ ഒന്നിനും കൊള്ളാത്ത മുഖ്യമന്ത്രിയായി മാറിക്കഴിഞ്ഞു എന്നായിരുന്നു വിമർശനം. കഴിഞ്ഞ ആറുവർഷമായി കേരളം പിണറായി വിജയനെ ചുമക്കുകയാണ്. അതുകൊണ്ടുതന്നെ രാജിവെക്കണമെന്നും പി സി ജോർജ് പറയുന്നു. പകരം മന്ത്രിസഭയിലെ ഏറ്റവും മികച്ച മന്ത്രി മുഹമ്മദ് റിയാസ് ആയതുകൊണ്ട് തന്നെ റിയാസിന് മുഖ്യമന്ത്രി ആക്കണം എന്നാണ് പി സി ജോർജ് ചൂണ്ടിക്കാട്ടുന്നത്.

പൊതുമരാമത്ത് വകുപ്പിൽ മുഹമ്മദ് റിയാസ് മികച്ച പ്രകടനമാണ് കാഴ്ച വെക്കുന്നത് എന്ന് പി സി ജോർജ് പറഞ്ഞു. റോഡുകളുടെ അവസ്ഥ മെച്ചപ്പെടുന്ന സ്ഥിതിവിശേഷമാണ് ഉണ്ടായിട്ടുള്ളത്.  ആ പയ്യൻ കൊള്ളാം എന്നാണ് പിസി ജോർജിന്റെ കമന്റ്. താൻ ഇത്  തമാശയായി പറയുകയല്ല എന്നും പിസി ജോർജ് വാർത്താസമ്മേളനത്തിൽ കൂട്ടിച്ചേർത്തു.

advertisement

ഡിവൈഎഫ്ഐ മോശം സംഘടനയാണ്. എന്നാൽ മുഹമ്മദ് റിയാസ് ഡിവൈഎഫ്ഐ ആണെങ്കിലും കൊള്ളാം എന്നാണ് പിസി ജോർജ് പറയുന്നത്. പിണറായി വിജയന് പകരം കോടിയേരി ബാലകൃഷ്ണൻ മുഖ്യമന്ത്രിയായാൽ പോര എന്നും പി സി ജോർജ്ജ് പറഞ്ഞു.

Also Read- SilverLine project | സിൽവർലൈൻ പദ്ധതി : വിഷയം പാർലമെന്റിൽ ഉന്നയിച്ച് സി.പി.എം.

പിണറായി വിജയന്റെ ഭരണത്തിൻ കീഴിൽ സംസ്ഥാനത്ത് ഗുണ്ടാവിളയാട്ടം ആണ് നടക്കുന്നതെന്ന് പിസി ജോർജ് ചൂണ്ടിക്കാട്ടുന്നു. അതിനായി പി സി ജോർജ് ചൂണ്ടിക്കാട്ടുന്ന വാദമുഖങ്ങൾ ഇവയൊക്കെയാണ്. 2020-ൽ 426 സൈബർ കുറ്റകൃത്യങ്ങളാണ് രജിസ്റ്റർ ചെയ്തതെങ്കിൽ  2021-ൽ അത് 903 കേസുകളായി ഉയർന്നു. പോക്സോ കേസുകളുടെ വർധന ആരെയും ഞെട്ടിക്കുന്നതാണ്. 28 പോക്സോ കോടതികൾ കൂടി സ്ഥാപിക്കുവാൻ  മന്ത്രിസഭ  തീരുമാനമെടുത്തിരിക്കുന്നു എന്നതിൽ നിന്നും ഇത് ബോധ്യമാകും.

കൊടകരയിൽ വെച്ച് ചരക്കുലോറിയിൽ കൊണ്ടുവന്ന 460 കിലോ കഞ്ചാവ് പിടിച്ചെടുത്തത് മറ്റൊരു ഉദാഹരണം ആണ് എന്നും പി സി ജോർജ് പറയുന്നു. വിമാനത്താവളങ്ങളിലൂടെ സ്വർണ്ണക്കടത്ത്  വ്യാപകമായി നടന്നു കൊണ്ടിരിക്കുകയാണ്. 10 ശതമാനം പോലും കണ്ടെത്താൻ അധികാരികൾക്ക് കഴിയുന്നില്ല. ഗുണ്ടാ സംഘങ്ങളുടെ വിളയാട്ടം വലിയ തോതിൽ വർദ്ധിച്ചിരിക്കുന്നു. കോട്ടയത്തെ ഗുണ്ടാസംഘങ്ങളുടെ കുടിപ്പകയിൽ 19 വയസ്സ് മാത്രമുള്ള ഷാൻ ബാബുവിനെ തല്ലിക്കൊന്ന് പോലീസ് സ്റ്റേഷന് മുന്നിൽ കൊണ്ടിട്ട സംഭവത്തിൽ കാപ്പ ചുമത്തി ജില്ലയിൽ നിന്ന് നാടുകടത്തിയ റൗഡി ആണ്  കോട്ടയത്തെത്തി കൊലപാതകം നടത്തിയത്.  സർക്കാർ ഗുണ്ടാ ലിസ്റ്റിൽ ഉൾപ്പെടുത്തുന്നവർ അത് അഭിമാനമായി കരുതുന്ന നിലയിലേക്ക് പ്രശ്നം വഷളായിരിക്കുന്നു എന്നും പി സി ജോർജ് ആരോപിച്ചു.

Also Read- M Sivasankar Autobiography| 'അശ്വത്ഥാമാവ് വെറും ഒരു ആന'; ആത്മകഥയുമായി എം ശിവശങ്കർ

നാസ്തികനായ പിണറായി, സർക്കാർ ഖജനാവ് കാലിയാക്കിക്കൊണ്ട് ഉലകം ചുറ്റും വാലിബനായി ഭാര്യയോടൊപ്പം സഞ്ചരിച്ചുകൊണ്ടിരിക്കുന്നു. തന്റെ സ്ഥാനം ഒരു ആഘോഷമാക്കി അദ്ദേഹം മാറ്റുകയാണ്. കൊറോണ ബാധിച്ച് നാശത്തിൽ എത്തിയ കേരളത്തിൽ നിൽക്കുന്നത് പോലും അദ്ദേഹത്തിന് ഇഷ്ടമില്ല. ചികിത്സ എന്ന് പറഞ്ഞ് അമേരിക്കയിലേക്ക് പോയ അദ്ദേഹം ഇപ്പോൾ ഗൾഫ് നാടുകളിൽ കറങ്ങി നടക്കുകയാണ് എന്നും ജോർജ് വിമർശിക്കുന്നു.