യുവ നടിയെ അപമാനിക്കാൻ ശ്രമം: നടി മാപ്പ് കൊടുത്തെങ്കിലും കേസുമായി പോലീസ് മുന്നോട്ട്

കോടതിയിൽ ഹാജരാക്കിയ ശേഷം പ്രതികളെ കസ്റ്റഡിയിൽ വാങ്ങാൻ ഉദ്ദേശിക്കുന്നില്ലെന്നും പൊലീസ് വ്യക്തമാക്കി.

സംഭവത്തിൽ ഞായറാഴ്ച രാത്രി പ്രതികളെ പോലീസ് കസ്റ്റഡിയിലെടുത്തിരുന്നു. കളമശ്ശേരി പോലീസ് സ്റ്റേഷനിൽ കീഴടങ്ങാൻ എത്തിയ പെരുന്തൽമണ്ണ സ്വദേശികളായ റംഷാദ്, ആദിൽ എന്നിവരെ കുസാറ്റ് ജംഗ്ഷനിൽ വെച്ചാണ് പൊലീസ് കസ്റ്റഡിയിലെടുത്തത്. തുടർന്ന് വിശദമായ ചോദ്യം ചെയ്യൽ നടന്നു.

ദുരുദ്ദേശത്തോടെയല്ല നടിയെ സമീപിച്ചതെന്നായിരുന്നു പ്രതികളുടെ വിശദീകരണം. ഇതിനുപിന്നാലെയാണ് പോലീസ് ഇരുവരുടെയും അറസ്റ്റ് രേഖപ്പെടുത്തിയത്. പ്രതികൾ കസ്റ്റഡിയിലായതിന് പിന്നാലെ നടിയുടെ മൊഴിയും പൊലീസ് രേഖപ്പെടുത്തിയിരുന്നു. ഞായറാഴ്ച രാത്രി ഓൺലൈൻ ആയാണ് നടിയുടെ മൊഴി രേഖപ്പെടുത്തിയത്.

advertisement