TRENDING:
മൂന്നു ഐപിഎസ് ഉദ്യോഗസ്ഥരാകും ഈ അന്വേഷണത്തിന്റെ പരിധിയില് വരികയെന്നാണ് നിഗമനം. ജയിന് കമ്മറ്റിയുടേത് പ്രാഥമിക റിപ്പോര്ട്ട് ആണെന്നും ഇത് അടിസ്ഥാനമാക്കി തുടരന്വേഷണം നടത്തണമെന്നുമാണ് കോടതി അറിയിച്ചത്. റിപ്പോര്ട്ട് പുറത്തുവിടരുതെന്നും സിബിഐ അന്വേഷണത്തിന് മാത്രമേ ഉപയോഗിക്കാവൂ എന്നും കോടതി പ്രത്യേക നിര്ദേശം നല്കി.
ജസ്റ്റിസുമാരായ എ എം ഖാന്വില്ക്കര്, ദിനേശ് മഹേശ്വരി, കൃഷ്ണ മുരാരി എന്നിവര് അടങ്ങിയ ബെഞ്ചാണ് ഐ.എസ്.ആര്.ഒ ചാരക്കേസില് നമ്പി നാരായണനെതിരെ ഗൂഢാലോചന നടത്തിയ ഉദ്യോഗസ്ഥര്ക്കെതിരെ സ്വീകരിക്കേണ്ട നടപടിയെ സംബന്ധിച്ച റിപ്പോര്ട്ട് പരിഗണിച്ചത്. മുദ്രവച്ച കവറിലാണ് ജസ്റ്റിസ് ഡി കെ ജയിന് അധ്യക്ഷനായ സമിതി റിപ്പോര്ട്ട് സുപ്രീം കോടതിക്ക് കൈമാറിയിരുന്നത്.
advertisement
2018 സെപ്റ്റംബറിലാണ് ഐ.എസ്.ആര്.ഒ ചാരക്കേസിന് പിന്നിലെ ഗൂഡാലോചനയെക്കുറിച്ച് അന്വേഷിക്കാന് ജസ്റ്റിസ് ഡി കെ ജയിന് അധ്യക്ഷനായ സമിതിക്ക് സുപ്രീം കോടതി രൂപം നല്കിയത്. കേന്ദ്ര ആഭ്യന്തര വകുപ്പിലെ മുന് അഡീഷണല് സെക്രട്ടറി ബി കെ പ്രസാദ്, കേരളത്തിലെ മുന് അഡീഷണല് ചീഫ് സെക്രട്ടറി വി എസ് സെന്തില് എന്നിവരാണ് കേന്ദ്ര, സംസ്ഥാന സര്ക്കാരുകളുടെ പ്രതിനിധികളായി സമിതിയില് ഉള്ളത്. 2020 ഡിസംബര് 14, 15 തീയതികളില് ജസ്റ്റിസ് ജയിന്റെ അധ്യക്ഷതയിലുള്ള സമിതി തിരുവനന്തപുരത്ത് തെളിവെടുപ്പ് നടത്തിയിരുന്നു.
Click here to add News18 as your preferred news source on Google.