മലപ്പുറത്ത് നീന്തൽ പരിശീലനത്തിന് ഇറങ്ങിയ വിദ്യാർഥി മുങ്ങിമരിച്ചു

സഹോദരനോടൊപ്പം നീന്തൽ പരിശീലനത്തിനെത്തിയ കെൻസ് നീന്തുന്നതിനിടെ മുങ്ങി താഴുകയായിരുന്നു. സഹോദരൻ ബഹളം വെച്ചു നീന്തൽകുളം ഉടമയെ വിളിച്ചു വരുത്തിയാണ് കെൻസിനെ പുറത്തെടുത്തത്. വണ്ടൂർ ബോയ്സ് സ്കൂളിലെ പ്ലസ് ടു വിദ്യാർത്ഥിയാണ്. മൃതദേഹം വണ്ടൂരിലെ സ്വകാര്യ ആശുപത്രിയിൽ. വണ്ടൂർ പോലിസ് കേസെടുത്തു അന്വേഷണം ആരംഭിച്ചു.

മറ്റൊരു സംഭവത്തിൽ മംഗലാപുരത്ത് രണ്ട് മലയാളി വിദ്യാർഥികൾ ഇന്നലെ കടലിൽ മുങ്ങിമരിച്ചിരുന്നു. ഉള്ളാള്‍ സോമേശ്വരം ബീച്ചില്‍ ശനിയാഴ്ച വൈകുന്നേരമാണ് സംഭവം. മഞ്ചേശ്വരം കുഞ്ചത്തൂരിലെ കെ. ശേഖറിന്റെ മകൻ യശ്വിത് (18), കുഞ്ചത്തൂര്‍ മജലുവിലെ ജയേന്ദ്രയുടെ മകൻ യുവരാജ് (18) എന്നിവരാണ് മരിച്ചത്.

advertisement

Also Read- വയനാട്ടിൽ ഒരുവർഷത്തിനിടെ കടുവയുടെ ആക്രമണത്തിൽ രണ്ടാമത്തെ മരണം; മൃതദേഹം കണ്ടെത്തിയത് രണ്ടുമാസം മുമ്പ് കടുവയുടെ ആക്രമണശ്രമം ഉണ്ടായ സ്ഥലത്ത്

സ്വകാര്യ പ്രീ യൂനിവേഴ്സിറ്റി കോളജില്‍ രണ്ടാം വര്‍ഷ വിദ്യാര്‍ഥികളായ ഇരുവരും ശനിയാഴ്ച ക്ലാസ് കഴിഞ്ഞാണ് ബീച്ചില്‍ എത്തിയത്. ബീച്ചിൽ എത്തിയ ഇവർ കടലില്‍ കുളിക്കാനായി ഇറങ്ങുകയായിരുന്നു. ഇതിൽ ഒരാൾ തിരയിൽപ്പെട്ടപ്പോൾ മറ്റേയാൾ രക്ഷിക്കാൻ ശ്രമിക്കുകയായിരുന്നു. രണ്ടുപേരെയും തിരയിൽപ്പെട്ട് കാണാതാകുകയായിരുന്നു