വിവാഹം നിശ്ചയിച്ചു കഴിഞ്ഞപ്പോൾ ലോക്ക്ഡൗൺ പ്രഖ്യാപനം; പിന്നെ വിവാഹം അപ്പോൾ തന്നെ നടത്തി

കുമ്പനാട് സ്വദേശി ജോയലിന്റെയും സീതത്തോട് സ്വദേശി ഡെല്ലയുടെയും വിവാഹമാണ് നിശ്ചയദിവസം തന്നെ നടന്നത്. അപ്രതീക്ഷിതമായിട്ടാണെങ്കിലും നിശ്ചയദിവസം തന്നെ വിവാഹം മംഗളമായി നടത്താൻ കഴിഞ്ഞതിന്റെ സന്തോഷത്തിലാണ് വധുവരൻമാർ.

ഗതികെട്ടവരോട് ഇങ്ങനെയും നെറികേടോ? ഓക്സിജൻ സിലിണ്ടറെന്ന പേരിൽ അഗ്നിശമന ഉപകരണങ്ങൾ പെയിന്റ് ചെയ്തു വിറ്റു; മൂന്നുപേർ അറസ്റ്റിൽ

വ്യാഴാഴ്ച രാവിലെ ആയിരുന്നു ഡെല്ലയുടെയും ജോയലിന്റെയും വിവാഹനിശ്ചയം നടന്നത്. ശനിയാഴ്ച വിവാഹം നടത്താൻ ആയിരുന്നു തീരുമാനം. എന്നാൽ, വിവാഹം നിശ്ചയിച്ചതിനു പിന്നാലെയാണ് കേരളത്തിൽ ലോക്ക്ഡൗൺ പ്രഖ്യാപിച്ച് വാർത്തയെത്തിയത്. ഇതോടെ ഇരു വീട്ടുകാരും എന്തു ചെയ്യണമെന്ന ചർച്ചയിലായി. ശനിയാഴ്ച ലോക്ക്ഡൗൺ തുടങ്ങുന്നതിനാൽ വ്യാഴാഴ്ച തന്നെ വിവാഹം നടത്താൻ ഇരു വീട്ടുകാരും ചേർന്ന് തീരുമാനിക്കുകയായിരുന്നു.

advertisement

കേന്ദ്ര സർക്കാർ സംസ്ഥാനത്തിന് അനുവദിച്ച നാല് ഓക്സിജൻ ജനറേറ്റർ പിഎസ്എ പ്ലാന്റുകൾ; ആദ്യത്തേത് പ്രവർത്തനം ആരംഭിച്ചു

തുടർന്ന് വ്യാഴാഴ്ച വൈകുന്നേരം 05.50ഓടെ കുമ്പനാട് സെന്റ് തോമസ് മാർത്തോമാ പള്ളിയിൽ വിവാഹവേദി ഒരുങ്ങി. ഗ്രിഗോറിയോസ് മാർ സ്തേഫാനോസ് വിവാഹ ചടങ്ങുകളുടെ കാർമികനായി. കുമ്പനാട് കല്ലേത്ത് ജേക്കബ് എബ്രഹാം - സിസിലി ജേക്കബ് ദമ്പതികളുടെ മകനാണ് വരനായ ജോയൽ. കാനഡയിലാണ് വരൻ ജോയൽ.

സീതത്തോട് കാരംവേലിമണ്ണിൽ ദാനിയേൽ വർഗീസ് - ജോളി ദമ്പതികളുടെ മകളാണ് സോഫ്റ്റ് വെയർ എഞ്ചിനിയറായ ഡെല്ല കെ ദാനിയേൽ. ഇന്നലെ രാവിലെ 11 മണിയോടെ സീതത്തോട് കൊച്ചുകോയിക്കൽ ട്രിനിറ്റി മാർത്തോമ്മാ പള്ളിയിൽ ആയിരുന്നു വിവാഹ നിശ്ചയം. ഭക്ഷണം കഴിക്കുന്നതിനിടയിൽ ആയിരുന്നു ലോക്ക്ഡൗൺ വാർത്ത എത്തിയത്. തുടർന്ന് വീട്ടുകാർ തമ്മിൽ നടത്തിയ ചർച്ചയിൽ വൈകുന്നേരം വിവാഹം നടത്താൻ തീരുമാനിക്കുകയായിരുന്നു.

കേന്ദ്രസർക്കാർ രാജ്യത്ത് സൗജന്യമായി ഇതുവരെ നൽകിയത് 17.15 കോടിയിലധികം വാക്സിൻ ഡോസുകൾ

നേരത്തെ, കോവിഡ് പ്രോട്ടോക്കോളിനെ തുടർന്ന് രണ്ടു തവണ വിവാഹം മാറ്റി വെച്ചിരുന്നു. നിശ്ചയത്തിനു ഭക്ഷണം ഒരുക്കിയ കേറ്ററിങ് സർവീസുകാർ വിവാഹത്തിനും ഭക്ഷണം ഒരുക്കി. വിവാഹത്തിനുള്ള മറ്റ് ഒരുക്കങ്ങൾ പൂർത്തിയായിരുന്നതിനാൽ മംഗളകരമായി വിവാഹം നടന്നു.