മണ്ണിൻ്റെ ഗുണം ഇനി വിരൽത്തുമ്പിൽ; കാട്ടാക്കടയിൽ വിപ്ലവകരമായ 'സ്മാർട്ട് സോയിൽ അനലൈസർ'

ഫ്രീ സോഫ്റ്റ്‌വെയർ സാങ്കേതികവിദ്യയെ അടിസ്ഥാനമാക്കി വികസിപ്പിച്ചെടുത്ത ഈ ഉപകരണം കർഷകർക്ക് വലിയ ആശ്വാസമാണ് പകരുന്നത്. വെറും രണ്ട് മിനിറ്റിനുള്ളിൽ മണ്ണ് പരിശോധനാ റിപ്പോർട്ട് തയ്യാറാക്കി കർഷകന് നൽകാൻ കഴിയുമെന്നതാണ് ഇതിൻ്റെ പ്രധാന പ്രത്യേകത. ഇതിലൂടെ കൃഷി സ്ഥലത്ത് വെച്ച് തന്നെ ആവശ്യമായ നടപടികൾ സ്വീകരിക്കാനും ഉൽപ്പാദനച്ചെലവ് കുറച്ച് വിളവ് വർദ്ധിപ്പിക്കാനും കർഷകർക്ക് സാധിക്കുന്നു. സ്മാർട്ട് പഞ്ചായത്ത് വിഷൻ്റെ ഭാഗമായി നടപ്പിലാക്കുന്ന ഈ പദ്ധതിയിലൂടെ ആധുനിക സാങ്കേതികവിദ്യയുടെ ഗുണഫലങ്ങൾ നേരിട്ട് മണ്ണിലേക്കും കർഷകരിലേക്കും എത്തുകയാണ്. കൃഷിരീതികളെ കൂടുതൽ ലളിതവും ലാഭകരവുമാക്കുന്ന ഈ ഡിജിറ്റൽ മാറ്റം കാട്ടാക്കടയുടെ കാർഷിക ഭൂപടത്തിൽ വലിയൊരു നാഴികക്കല്ലായി മാറും.

advertisement