TRENDING:
4 വര്ഷം മുമ്പാണ് ജോ ആന്റണിയ്ക്ക് ട്യൂമര് ബാധിച്ചത്. ഇതിനു പിന്നാലെ കീമോതെറാപ്പി ചെയ്യുകയായിരുന്നു. ശ്വാസകോശത്തിന്റേയും നെഞ്ചിന്റേയും ഭാഗത്തായതിനാല് ട്യൂമര് എടുത്ത് മാറ്റുന്നത് ബുദ്ധിമുട്ടായി വന്നു. ഇതിനു പിന്നാലെ . ശ്വാസംമുട്ടല് ഉള്പ്പെടെയുള്ള ബുദ്ധിമുട്ടുകള് ഉണ്ടായി. നടക്കാന് പ്രയാസമായി. കൈ അനക്കാന് വയ്യ. ഇടയ്ക്കിടയ്ക്ക് ട്യൂമറില് നിന്നും വെള്ളം കുത്തിയെടുക്കുമ്പോള് ആശ്വാസം ലഭിച്ചിരുന്നു.
advertisement
ട്യൂമർ സങ്കീർണമായി വന്നതോടെ വമ്പൻ ആശുപത്രികളിൽ ചികിത്സ തേടി പോയെങ്കിലും ജീവന് ഭീഷണിയാകുമെന്ന കാരണത്താല് എല്ലാവരും കൈ ഒഴിയുകയായിരുന്നു. അങ്ങനെയാണ് കോട്ടയം മെഡിക്കല് കോളേജിലെത്തുന്നത്. ഡോ. ജയകുമാറിനെ കണ്ട് തങ്ങളുടെ മകന്റെ ദയനീയവസ്ഥ രക്ഷകര്ത്താക്കള് വിവരിച്ചു. വളരെയധികം അപകട സാധ്യതയുണ്ടെങ്കിലും അതേറ്റെടുത്ത് ശസ്ത്രക്രിയ ചെയ്യാന് തീരുമാനിച്ചു. കഴിഞ്ഞ മാസം 25ന് ഏറെ വെല്ലുവിളികളുള്ള ശസ്ത്രക്രിയ 12 മണിക്കൂറോളമെടുത്താണ് പൂര്ത്തിയാക്കിയത്. 20 ലിറ്റര് ഫ്ളൂയിഡും 23 ലിറ്റര് മാംസവുമുള്ള ആകെ 43 കിലോ ഭാരമുള്ള ട്യൂമറാണ് നീക്കം ചെയ്തത്. നിലവില് കൈയ്ക്ക് ചെറിയ സ്വാധീനക്കുറവുണ്ടെങ്കിലും ഫിസിയോതെറാപ്പിയിലൂടെ അത് മാറ്റിയെടുക്കാനാകുമെന്ന് സൂപ്രണ്ട് അറിയിച്ചു.
Click here to add News18 as your preferred news source on Google.