പ്രതിരോധ മാർഗങ്ങൾ
1. വാക്സിനേഷൻ
ഹെപ്പറ്റൈറ്റിസ് ബി പകരുന്നത് തടയുന്നതിനുള്ള പ്രധാന മാർഗമാണ് വാക്സിനേഷൻ. ഹെപ്പറ്റൈറ്റിസ് ബി വാക്സിനേഷൻ വിശ്വസനീയവും എളുപ്പത്തിൽ ലഭിക്കുന്നതുമാണ്. നവജാതശിശുക്കൾക്കും കുട്ടികൾക്കും ഈ വാക്സിനേഷൻ ഉറപ്പാക്കാൻ മാതാപിതാക്കൾ ശ്രദ്ധിക്കണം.
2. നേരത്തെയുള്ള രോഗനിർണയം
കുട്ടികൾ രോഗ ലക്ഷണങ്ങൾ കാണിച്ചാൽ മാതാപിതാക്കൾ ഉടൻ ഒരു ഡോക്ടറെ സമീപിക്കേണ്ടതുണ്ട്. കാരണം, എത്രയും നേരത്തെ തിരിച്ചറിഞ്ഞ് രോഗം ചികിൽസിക്കുന്നുവോ അത്രയും എളുപ്പത്തിൽ സുഖപ്പെടും. ഗർഭിണികൾ ഹെപ്പറ്റൈറ്റിസ് ബി സർഫെയ്സ് ആന്റിജൻ (HBsAg) ടെസ്റ്റ് ചെയ്യുന്നതും നല്ലതാണ്. ഗർഭാവസ്ഥയിൽ ആൻറിവൈറൽ തെറാപ്പി നൽകുകയും നവജാതശിശുവിന് ജനിച്ച ആദ്യ 12 മണിക്കൂറുകൾക്കുള്ളിൽ വാക്സിനിൻറെ ആദ്യ ഡോസ് നൽകുകയും ചെയ്യുന്നത് ഉൾപ്പെടെയുള്ള പ്രതിരോധ നടപടികൾ സ്വീകരിക്കണം.
advertisement
മഞ്ഞപ്പിത്തം, മൂത്രത്തില നിറം മാറ്റം, ക്ഷീണം, ഓക്കാനം, ഛർദ്ദി, വയറുവേദന, മലത്തിലെ നിറം മാറ്റം എന്നിവയെല്ലാമാണ് വൈറൽ ഹെപ്പറ്റൈറ്റിസ് ബാധിച്ച കുട്ടികൾ സാധാരണയായി പ്രകടിപ്പിക്കുന്ന ലക്ഷണങ്ങൾ. നേരിയ ലക്ഷണങ്ങളുള്ള മിക്ക കുട്ടികളും വൈദ്യസഹായം ലഭിച്ച് ഏതാനും ദിവസങ്ങൾക്കുള്ളിൽ രോഗമുക്തരാകാറുണ്ട്. എന്നാൽ ചിലരുടെ കരളിനെ ദീർഘ കാലത്തേക്ക് ഇത് ബാധിച്ചേക്കാം. കരൾ രോഗങ്ങളുള്ള ഒരു വയസിന് താഴെയുള്ള കുട്ടികൾക്ക് ഗുരുതരമായ ചില സങ്കീർണതകൾ ഉണ്ടായേക്കാം. അത്തരം സന്ദർഭങ്ങളിൽ, അവർക്ക് വേണ്ടത്ര പരിചരണവും ചികിൽസയും ഉറപ്പാക്കേണ്ടതുണ്ട്. ചിലർക്ക് കരൾ മാറ്റിവെയ്ക്കേണ്ടതായും വന്നേക്കാം.
3. ചികിത്സ: അമ്മമാർക്കും കുട്ടികൾക്കും ഇടയിൽ ഹെപ്പറ്റൈറ്റിസ് ബി ഇല്ലാതാക്കുന്നതിന്, എല്ലാവർക്കും താങ്ങാനാവുന്നതും ഉയർന്ന നിലവാരമുള്ളതുമായ ചികിത്സ ഉറപ്പാക്കേണ്ടതുണ്ട്. ഓറൽ ന്യൂക്ലിയോസ് (ടി) ഐഡി അനലോഗ് പോലുള്ള ആൻറിവൈറൽ തെറാപ്പി ഈ രോഗത്തെ ചെറുക്കാൻ ഫലപ്രദമാണ്. ഇത് അമ്മയിൽ രോഗം വഷളാകാനുള്ള സാധ്യതയും നവജാതശിശുവിലേക്ക് പകരാനുള്ള സാധ്യതയും കുറയ്ക്കും. ഈ ചികിത്സകൾ എല്ലാവർക്കും ലഭ്യമാകുന്നുണ്ടെന്ന് ഉറപ്പാക്കേണ്ടത് അത്യാവശ്യമാണ്.
4. ബോധവത്കരണം
ഹെപ്പറ്റൈറ്റിസ് ബി ഇല്ലാതാക്കാൻ സമഗ്രമായ പൊതുജനാരോഗ്യ പദ്ധതികളും ബോധവത്കരണ പരിപാടികളും ആവിഷ്കരിക്കേണ്ടതുണ്ട്. ബോധവത്കരണ പരിപാടികൾ, പരിശോധന, വാക്സിനേഷൻ ക്യാംപെയ്‌നുകൾ എന്നിവ പ്രോത്സാഹിപ്പിക്കുക, നിലവിലുള്ള മാതൃ-ശിശു ആരോഗ്യ പരിപാടികളുടെ ഭാഗമായി ഹെപ്പറ്റൈറ്റിസ് ബി സ്ക്രീനിംഗും ചികിത്സയും സമന്വയിപ്പിക്കുക എന്നിവയെല്ലാം ഇതിൽ ഉൾപ്പെടുന്നു.
(ഡോ. അനുരാഗ് ഷെട്ടി, മെഡിക്കൽ ഗ്യാസ്‌ട്രോ എൻട്രോളജി, കെഎംസി ഹോസ്പിറ്റൽ, മംഗലാപുരം)