കൂടുതൽ നേരം ഉറങ്ങുന്നു
നല്ല ആരോഗ്യത്തിന് ദിവസവും 7-8 മണിക്കൂർ ഉറക്കം ലഭിക്കേണ്ടത് അത്യാവശ്യമാണ്. വളരെയധികം ഉറങ്ങുന്നത് ശരീരഭാരം വർദ്ധിപ്പിക്കും. നിങ്ങൾ കൂടുതൽ നേരം ഉറങ്ങുകയാണെങ്കിൽ, പ്രഭാതഭക്ഷണം കഴിക്കുന്നതും വൈകും, ഇത് നിങ്ങളുടെ മെറ്റബോളിസത്തെ കൂടുതൽ ബാധിക്കും. 7-8 മണിക്കൂറിൽ കൂടുതൽ സമയം ഉറങ്ങുന്ന ആളുകൾ അല്ലാത്തവരെ അപേക്ഷിച്ച് 21% കൂടുതൽ പൊണ്ണത്തടിയുള്ളവരാണെന്ന് വിവിധ പഠനങ്ങളിൽ വ്യക്തമായിട്ടുണ്ട്.
രാവിലെ വെള്ളം കുടിക്കുന്നത് ഒഴിവാക്കുന്നു
ഈ പ്രഭാത തെറ്റ് നിങ്ങളുടെ അരക്കെട്ടിനെ നിങ്ങൾക്ക് മനസ്സിലാക്കാൻ കഴിയുന്നതിനേക്കാൾ കൂടുതൽ ബാധിക്കുന്നു. ശരീരത്തിലെ ഓരോ ജൈവിക പ്രവർത്തനത്തിനും വെള്ളം അത്യാവശ്യമാണ്, നിങ്ങളുടെ വൻകുടലിൽ നിന്ന് മാലിന്യങ്ങൾ ഒഴുകുന്നത് മുതൽ കാര്യക്ഷമമായ മെറ്റബോളിസത്തിനു വരെ, ഇത് ശരീരത്തെ കൂടുതൽ കലോറി കത്തിച്ചുകളയാൻ അനുവദിക്കുന്നു. ജലത്തിന്റെ അപര്യാപ്തത നിർജ്ജലീകരണത്തിനും വേഗത കുറഞ്ഞ മെറ്റബോളിസത്തിനും കാരണമാകും, അതായത് കുറഞ്ഞ കലോറി എരിയുകയും വലിയ അരക്കെട്ടിന് കാരണമാവുകയും ചെയ്യും. ഒരു ഗ്ലാസ് ചെറുചൂടുവെള്ളം ഉപയോഗിച്ച് നിങ്ങളുടെ ദിവസം ആരംഭിക്കുക, നന്നായി ജലാംശം നിലനിർത്താൻ ദിവസം മുഴുവൻ ആവശ്യത്തിന് വെള്ളം കുടിക്കുന്നുവെന്ന് ഉറപ്പാക്കുക.
advertisement
Also Read- Weight loss | ശരീരഭാരം കുറയ്ക്കുമെന്ന് നിങ്ങൾ കരുതുന്ന ഈ 6 കാര്യങ്ങൾ ഉടൻ അവസാനിപ്പിക്കുക!
രാവിലെ തന്നെ തെറ്റായ ഭക്ഷണങ്ങൾ കഴിക്കുക
നിങ്ങളുടെ ഭാരം ആരോഗ്യകരമായ പരിധിയിൽ നിലനിർത്തുന്നതിന് പ്രഭാതഭക്ഷണത്തിൽ ശരിയായ വിഭവങ്ങൾ തിരഞ്ഞെടുക്കുന്നത് വളരെ പ്രധാനമാണ്. ഉദാഹരണത്തിന്, ഉയർന്ന പ്രോട്ടീൻ അടങ്ങിയ പ്രഭാതഭക്ഷണം നിങ്ങളുടെ ശരീരഭാരം കുറയ്ക്കാൻ സഹായിക്കും. എന്നാൽ നമ്മിൽ മിക്കവർക്കും എല്ലാ ദിവസവും രാവിലെ ഈ പോഷകത്തിന്റെ അളവ് ലഭിക്കുന്നില്ല. കൊഴുപ്പ് കൂടിയതും ഉയർന്ന സോഡിയം ഉള്ളതുമായ പ്രഭാതഭക്ഷണം കഴിക്കുന്നത് ഒഴിവാക്കുക, കാരണം ഇത് നിങ്ങൾക്ക് വയറുവേദനയ്ക്കു കാരണമാകുകയും ദിവസം മുഴുവൻ മന്ദത അനുഭവിക്കാനും ഇടയാക്കും.
ടിവിയിൽ വാർത്ത കാണുമ്പോൾ ഭക്ഷണം കഴിക്കുന്നു
ലോകമെമ്പാടും എന്താണ് സംഭവിക്കുന്നതെന്ന് അറിയേണ്ടത് അത്യാവശ്യമായ കാര്യമാണ്. എന്നാൽ നിങ്ങൾ ഭക്ഷണം കഴിക്കുമ്പോൾ ടിവി ഓണാക്കുന്നത് ഒഴിവാക്കുക. ഇത് ഒരു മോശം ശീലമാണ്, അത് നിങ്ങളെ കൂടുതൽ കഴിക്കാനും കുറച്ച് ചവയ്ക്കാനും ഇടയാക്കും. ഇങ്ങനെ ചെയ്യുന്നത് ശരീരഭാരം വർദ്ധിപ്പിക്കും. പതുക്കെ ചവച്ചരച്ചു വേണം ഭക്ഷണം കഴിക്കേണ്ടത്.
രാവിലെ വ്യായാമം ചെയ്യുന്നില്ല
രാവിലെയുള്ള വ്യായാമം അല്ലെങ്കിൽ നടത്തം വളരെ പ്രധാനമാണ്. വെറും വയറ്റിൽ വ്യായാമം ചെയ്യുന്നത് ശരീരത്തിലെ കൊഴുപ്പ് കൂടുതൽ കത്തിക്കാനും ശരീരഭാരം കുറയ്ക്കാനും സഹായിക്കുമെന്ന് പഠനങ്ങൾ തെളിയിച്ചിട്ടുണ്ട്. വ്യായാമം ചെയ്യുന്നത് നിങ്ങളുടെ രക്തം കൂടുതൽ കാര്യക്ഷമമായി പമ്പ് ചെയ്യാനും ശരീരത്തിലെ എല്ലാ പ്രവർത്തനങ്ങളും നന്നായി പ്രവർത്തിക്കാൻ പ്രേരിപ്പിക്കുകയും ചെയ്യും. ശരീരഭാരം തടയാൻ ജിമ്മിൽ പോയി വ്യായാമം ചെയ്യുക, നടക്കുക, ഓടുക, ജോഗിങ് എന്നിവ ശീലമാക്കുക. ദിവസവും കുറഞ്ഞത് അരമണിക്കൂർ ശാരീരിക വ്യായാമത്തിനായി മാറ്റി വെക്കുക.