സാഹിത്യത്തിനുള്ള നൊബേൽ പുരസ്ക്കാരം ഫ്രഞ്ച് എഴുത്തുകാരി ആനി എർനോയ്ക്ക്

ആൻഡേർസ് ഓൾസൻ അധ്യക്ഷനായ സമിതിയാണ് 2022ലെ സാഹിത്യത്തിനുള്ള നൊബേൽ സമ്മാനജേതാവിനെ തെരഞ്ഞെടുത്തത്. വിട്ടുവീഴ്ചയില്ലാത്ത നിലപാടുകളും വളരെ ലളിതമായ ഭാഷയിലുള്ള എഴുത്തുമാണ് ആനി എർനോവിന്‍റെ രചനകളുടെ സവിശേഷതയെന്ന് ആൻഡേർസ് ഓൾസൻ പറഞ്ഞു.

ആത്മകഥാപരമായ നോവലുകളാണ് ആനി എർനോവിന്‍റെ രചനകളിലേറെയും. ഇരുപതോളം നോവലുകളാണ് ആനി എർനോ ഇതുവരെ പ്രസിദ്ധീകരിച്ചിട്ടുള്ളത്. ഇതിൽ ഏറെയും അവരുടെ ജീവിതവും അതിനു ചുറ്റുപാടിലുമായി നടന്ന കഥകളാണെന്നതാണ് പ്രത്യേകത.