Petrol price | ഒരു ലിറ്റർ പെട്രോൾ വാങ്ങാൻ എത്ര രൂപ നൽകണം? ഇന്നത്തെ ഇന്ധനവില വിവരം

സർക്കാർ എണ്ണക്കമ്പനികളുടെ കണക്കനുസരിച്ച്, ഹിമാചലിൽ ഒരു ലിറ്റർ പെട്രോളിന് 29 പൈസയും പഞ്ചാബിൽ 24 പൈസയും ജമ്മു കശ്മീരിൽ 62 പൈസയും വർദ്ധിച്ചു. ഡീസലിന് യഥാക്രമം 26 പൈസ, 23 പൈസ, 50 പൈസ എന്നിങ്ങനെയാണ് ഇവിടങ്ങളിൽ വില കൂടിയത്. അതേസമയം, ഉത്തർപ്രദേശിൽ പെട്രോൾ-ഡീസൽ വില 25 പൈസ കുറഞ്ഞു. പശ്ചിമ ബംഗാളിൽ പെട്രോളിന് 44 പൈസയും ഡീസലിന് 41 പൈസയും കുറഞ്ഞു.

Also read: ജിയോ സിനിമയുടെ ബ്രാൻഡ് അംബാസഡറായി രോഹിത് ശർമ്മയെ പ്രഖ്യാപിച്ചു

advertisement

നോയിഡയിൽ പെട്രോൾ ലിറ്ററിന് 96.58 രൂപയായും ഡീസൽ 89.75 രൂപയായും ഉയർന്നു. ഗാസിയാബാദിൽ 96.58 രൂപയും ഡീസലിന് 89.75 രൂപയും. ലഖ്‌നൗവിൽ പെട്രോൾ ലിറ്ററിന് 96.57 രൂപയും ഡീസലിന് 89.76 രൂപയുമായി.

അതേസമയം, പാട്‌നയിൽ പെട്രോൾ നിരക്ക് ലിറ്ററിന് 107.24 രൂപയും ഡീസലിന് 94.04 രൂപയുമായി. പോർട്ട് ബ്ലെയറിൽ പെട്രോൾ ലിറ്ററിന് 84.10 രൂപയും ഡീസലിന് 79.74 രൂപയുമായി.

ഇന്ത്യൻ ഓയിൽ, ഭാരത് പെട്രോളിയം, ഹിന്ദുസ്ഥാൻ പെട്രോളിയം തുടങ്ങിയ എണ്ണ വിപണന കമ്പനികൾ ആണ് (ഒഎംസി) പെട്രോൾ, ഡീസൽ വില നിശ്ചയിക്കുന്നത്. ഇത് ദിവസേനയുള്ള അപ്‌ഡേറ്റുകളാണ്. ലോകമെമ്പാടുമുള്ള ക്രൂഡ് ഓയിലിന്റെ വിലയ്ക്ക് അനുസൃതമായി നിരക്കുകൾ നിർണ്ണയിക്കപ്പെടുന്നു.