ബാങ്കിംഗ് പാസ്‌വേഡുകൾ, ഗവൺമെന്റ് ഐഡികൾ എന്നിവ പോലുള്ള പ്രധാനപ്പെട്ട വിവരങ്ങൾ മോഷ്‌ടിക്കാൻ കഴിയുന്ന ഒരു ഓപ്പൺ സോഴ്‌സ് ആൻഡ്രോയിഡ് മാൽവെയറാണ് ഡോഗ്റാറ്റ് എന്നാണ് കണ്ടെത്തൽ. ബാങ്കിംഗ്, ഇ-കൊമേഴ്‌സ്, വിനോദം എന്നിവയുൾപ്പെടെയുള്ള മേഖലകളിൽ പ്രവർത്തിക്കുന്ന ഉപയോക്താക്കളെയാണ് ഇത് പ്രധാനമായും ലക്ഷ്യമിടുന്നത്.
Also Read-വാട്സ്ആപ്പിലൂടെ ജോലി തട്ടിപ്പും ഭീഷണിയും വ്യാപകമാകുന്നു; എങ്ങനെ സുരക്ഷിതരാകാം?
ജനപ്രിയ ആപ്പുകളെന്ന വ്യാജേനയാണ് ഡോഗ്റാറ്റ് മാൽവെയർ പ്രത്യക്ഷപ്പെടുന്നത്. അത് ഉപഭോക്താക്കളുടെ മൊബൈൽ ഉപകരണങ്ങളിൽ എത്തിയാൽ തന്ത്രപ്രധാനമായ വിവരങ്ങൾ ചോർത്തപ്പെടും. ഈ മാൽവെയർ വഴി ഹാക്കർമാർക്ക് ഉപഭോക്താക്കളുടെ മൊബൈൽ ഫോണുകളിലേക്ക് റിമോട്ട് ആക്‌സസ് ലഭിക്കുകയും ചെയ്യും. അങ്ങനെ ഈ മൊബൈൽ ഫോണുകൾ ഹാക്കർമാർക്ക് ഉപയോഗിക്കാനാകും. അതുവഴി അവർക്ക് ഫയലുകളിൽ മാറ്റം വരുത്താനും, കോൾ റെക്കോർഡുകൾ ചെയ്യാനും, ഫ്രണ്ട് ക്യാമറയും ബാക്ക് ക്യാമറയും ഉപയോഗിച്ച് ഫോട്ടോ എടുക്കാനുമെല്ലാം സാധിക്കും.
advertisement
രണ്ട് ടെലിഗ്രാം ചാനലുകളിൽ ഡോഗ്റാറ്റ് വിൽപനക്ക് വെച്ചതായും കണ്ടെത്തിയിട്ടുണ്ട്. ഒരു പ്രീമിയം പതിപ്പും മാൽവെയർ ക്രിയേറ്റർമാർ സൃഷ്ടിച്ചിട്ടുണ്ട്.
എങ്ങനെ സുരക്ഷിതരാകാം?
അജ്ഞാത ഉറവിടങ്ങളിൽ നിന്നുള്ള ലിങ്കുകളിലും അറ്റാച്ച്‌മെന്റുകളിലും ക്ലിക്ക് ചെയ്യുമ്പോൾ എപ്പോഴും ജാഗ്രത പാലിക്കുക. മാൽവെയറിൽ നിന്ന് രക്ഷപെടാൻ ഇത്തരം ലിങ്കുകളിൽ പരമാവധി ക്ലിക്ക് ചെയ്യാതിരിക്കുന്നതാണ് നല്ലത്. ഇതിനു പുറമേ ഉപയോക്താക്കൾ തങ്ങളുടെ മൊബൈൽ ഉപകരണങ്ങൾ എപ്പോഴും അപ് ടു ഡേറ്റ് ആയി സൂക്ഷിക്കണം. സോഫ്‌റ്റ്‌വെയർ അപ്‌ഡേറ്റുകളിൽ പലപ്പോഴും ഈ മാൽവെയറുകളെ പ്രതിരോധിക്കാൻ ആവശ്യമായ സുരക്ഷാ ക്രമീകരണങ്ങൾ ഉണ്ടായിരിക്കും. ഓൺലൈൻ വൈറസുകളുടെയും മാൽവെയറുകളുടെയും അപകട സാധ്യതകളെക്കുറിച്ച് സ്വയം സ്വയം അറിഞ്ഞിരിക്കുകയും മറ്റുള്ളവരെ അറിയിക്കുകയും ചെയ്യുക. നിങ്ങൾ ക്ലിക്ക് ചെയ്യുന്ന ലിങ്കുകളെക്കുറിച്ചും നിങ്ങൾ സന്ദർശിക്കുന്ന സൈറ്റുകളെക്കുറിച്ചും നന്നായി മനസിലാക്കുക.