വാട്സ്ആപ്പിലൂടെ ജോലി തട്ടിപ്പും ഭീഷണിയും വ്യാപകമാകുന്നു; എങ്ങനെ സുരക്ഷിതരാകാം?

വാട്സ്ആപ്പ് വഴിയുള്ള ജോലിതട്ടിപ്പുകളും ഭീഷണികളും വർദ്ധിച്ചു വരുന്നതായി റിപ്പോർട്ടുകൾ. ”വാട്ട്‌സ്ആപ്പിലെ ആ ഒരു വീഡിയോ കോളിന് ശേഷം എന്റെ ജീവിതം എന്നെന്നേക്കുമായി മാറി. ഈ ഞെട്ടിക്കുന്ന സംഭവത്തിൽ നിന്ന് ഇതുവരെ പുറത്തുവന്നിട്ടില്ല”, എന്നാണ് വാട്ട്‌സ്ആപ്പ് കോൾ തട്ടിപ്പിന്റെ ഇരകളായവരിൽ ഒരാൾ ന്യൂസ് 18 നോട് പ്രതികരിച്ചത്. ”+92 എന്ന് തുടങ്ങുന്ന ഒരു നമ്പറിൽ നിന്ന് എനിക്ക് ഒരു മെസേജ് ലഭിച്ചു. എന്റെ സ്വകാര്യ ചിത്രങ്ങളും ബന്ധപ്പെടാനുള്ള വിശദാംശങ്ങളും ഉൾപ്പെടെ എന്നെക്കുറിച്ചുള്ള എല്ലാ ഡാറ്റയും തന്റെ പക്കലുണ്ടെന്ന് ആ വ്യക്തി പറഞ്ഞു. മെസേജുകളും കോളുകളും ഞാൻ അവഗണിച്ചു, തുടർന്ന്, അയാൾ എന്റെ മോർഫ് ചെയ്ത ചിത്രം അയക്കുകയും രണ്ടു ലക്ഷം രൂപ ആവശ്യപ്പെടുകയും ചെയ്തു”, എന്നാണ് മറ്റൊരാൾ പറഞ്ഞത്.