സെഞ്ചുറി കൂട്ടുകെട്ടിൽ സച്ചിൻ- സെവാഗ് റെക്കോഡിനൊപ്പം ഓസ്ട്രേലിയയുടെ ഫിഞ്ചും വാർണറും

Also Read- India vs Australia | ഓസ്ട്രേലിയയ്ക്കു വീണ്ടും കൂറ്റൻ സ്കോർ; ഇന്ത്യയ്ക്ക് ജയിക്കാൻ 390 റൺസ്

ഏകദിനത്തിലെ ഏറ്റവും മികച്ച ഓപ്പണിങ് ജോഡികളിലൊന്നായാണ് സച്ചിനെയും സെവാഗിനെയും പരിഗണിക്കുന്നത്. 12 തവണയാണ് ഇരുവരും ചേർന്ന്  സെഞ്ചുറി കൂട്ടുകെട്ട് പടുത്തുയർത്തിയത്. എന്നാൽ ഈ പട്ടികയിൽ ഏറ്റവും മുന്നിലും ഇന്ത്യക്കാരാണ്. സച്ചിൻ- ഗാംഗുലി സഖ്യം 21 തവണയാണ് 100 റൺസ് പിന്നിട്ടത്. 16 സെഞ്ചുറികളുമായി ധവാൻ- രോഹിത് സഖ്യവും പിന്നാലെയുണ്ട്.

advertisement

ഏറ്റവും കൂടുതൽ തവണ 100 റൺസ് എടുത്ത സഖ്യങ്ങൾ

സൗരവ് ഗംഗുലി- സച്ചിൻ ടെൻഡുൽക്കർ- 21

ശിഖർ ധവാൻ- രോഹിത് ശർമ- 16

ആദം ഗിൽക്രിസ്റ്റ്- മാത്യു ഹെയ്ഡൻ- ഓസ്ട്രേലിയ- 16

ഗോർഡൻ ഗ്രീനിഡ്ജ്- ഡെസ്മണ്ട് ഹെയ്ൻസ്- വെസ്‍റ്റിൻഡീസ്- 15

വിരേന്ദർ സേവാഗ് - സച്ചിൻ ടെൻഡുൽക്കർ- 12

ആരോൺ ഫിഞ്ച്- ഡേവിഡ് വാർണർ- 12

രണ്ടാം ഏകദിനത്തിൽ ടോസ് നേടി ആദ്യം ബാറ്റുചെയ്ത ഓസ്ട്രേലിയയ്ക്കുവേണ്ടി ഓപ്പണർമാരായ ഡേവിഡ് വാർണറും ആരോൺ ഫിഞ്ചു ചേർന്ന് തകർപ്പൻ തുടക്കമാണ് നൽകിയത്. ഒന്നാം വിക്കറ്റിൽ ഇരുവരും ചേർന്ന് 22.5 ഓവറിൽ 142 റൺസ് കൂട്ടിച്ചേർത്തു. 77 പന്ത് നേരിട്ട വാർണർ 7 ഫോറും മൂന്നു സിക്സറും ഉൾപ്പടെയാണ് 83 റൺസെടുത്തത്. ഫിഞ്ച് 69 പന്തിലാണ് 60 റൺസെടുത്തത്.