Najeeb Tarakai killed|അഫ്ഗാനിസ്ഥാൻ ക്രിക്കറ്റ് താരം നജീബ് തരകയ് റോഡ് അപകടത്തിൽ കൊല്ലപ്പെട്ടു

കടയിൽ നിന്നും പുറത്തിറങ്ങി റോഡ് മുറിച്ചു കടക്കുന്നതിനിടയിൽ നജീബിനെ കാർ ഇടിക്കുകയായിരുന്നു.

താരത്തിന്റെ മരണത്തിൽ അഫ്ഗാൻ ക്രിക്കറ്റ് ബോർഡ് അനുശോചനം അറിയിച്ചു.

അഫ്ഗാനിസ്ഥാന് വേണ്ടി 12 ടി-20 മത്സരങ്ങളും ഒരു ഏകദിനവും കളിച്ച താരമാണ്. 2014 ൽ ബംഗ്ലാദേശിൽ നടന്ന ടി-20 ലോകകപ്പിലൂടെയാണ് നജീബിന്റെ അന്താരാഷ്ട്ര ക്രിക്കറ്റ് അരങ്ങേറ്റം. 2017 മാർച്ചിൽ ട്വന്റി-20 യിൽ അയർലന്റിനെതിരെ നേടിയ 90 റൺസാണ് ഏറ്റവും ഉയർന്ന സ്കോർ. 24 ഫസ്റ്റ് ക്ലാസ് ഗെയിംസ് കളിച്ച താരം 2030 റൺസ് നേടിയിരുന്നു.