ഒളിമ്പിക്‌സിൻ്റെ അവസാന ദിനവും രണ്ട് ഇനങ്ങളും ബാക്കിയിരിക്കെ, ഒളിമ്പിക്‌സിലെ തങ്ങളുടെ മുമ്പത്തെ ഏറ്റവും മികച്ച നേട്ടമായ ഏഴു മെഡലുകളെ മറികടക്കാൻ ഇന്ത്യൻ സംഘത്തിന് സാധിക്കുമോയെന്ന കാര്യത്തിൽ വളരെ മങ്ങിയ സാധ്യതയുണ്ട്.
21 കാരനായ ഇന്ത്യൻ ഗുസ്തി താരം തൻ്റെ പേര് ഒളിമ്പ്യൻമാരുടെ പട്ടികയിൽ ഉൾപ്പെടുത്തുക മാത്രമല്ല ചെയ്തത്. വെങ്കല മെഡൽ നേട്ടത്തിലൂടെ അദ്ദേഹം ചരിത്രം കുറിക്കുകയും ചെയ്തു. ഒളിമ്പിക്സ് മെഡൽ നേടുന്ന ഏറ്റവും പ്രായം കുറഞ്ഞ ഇന്ത്യക്കാരനായി മാറി ഷെരാവത്ത്.
advertisement
2003 ജൂലൈ 16 ന് ഹരിയാനയിലെ ജജ്ജാർ ജില്ലയിലെ ബിരോഹർ ഗ്രാമത്തിൽ ജനിച്ച അമൻ്റെ ആദ്യകാല ജീവിതം കഠിനമായിരുന്നു. 11 വയസ്സുള്ളപ്പോൾ ഷെരാവത്തിന് മാതാപിതാക്കളെ നഷ്ടമായി. ഒരനുജത്തി കൂടിയുള്ള ഷെരാവത്തിന്റെ ജീവിതത്തിൽ അമ്മാവൻ സുധിർ ഷെരാവത്തിന്റെ ഇടപെടലാണ് വഴിത്തിരിവായി മാറിയത്.
19 വയസ്സ് ആകുമ്പോഴേക്കും അമൻ ഗുസ്തി ലോകത്ത് തൻ്റേതായ വ്യക്തിമുദ്ര പതിപ്പിക്കാൻ തുടങ്ങിയിരുന്നു. 2019-ൽ നൂർ-സുൽത്താനിൽ നടന്ന ഏഷ്യൻ കേഡറ്റ് ചാമ്പ്യൻഷിപ്പിൽ താരം സ്വർണം നേടി. തുടർന്ന് 2021-ൽ ആദ്യമായി ദേശീയ ചാമ്പ്യൻഷിപ്പും നേടി തൻ്റെ വിജയം ഇരട്ടിയാക്കി.
അണ്ടർ 23 ലോക ചാമ്പ്യൻഷിപ്പിൽ സ്വർണം നേടുന്ന ആദ്യ ഇന്ത്യക്കാരനായി അമൻ മാറി. കൂടാതെ അസ്താനയിൽ നടന്ന ഏഷ്യൻ ചാമ്പ്യൻഷിപ്പിൽ സ്വർണവും ഹാങ്ഷൗ ഏഷ്യൻ ഗെയിംസിൽ വെങ്കലവും നേടി.
Summary: India's Aman Sehrawat brings home a bronze medal to the nation's Olympic contingent, beating Puerto Rico’s Darian Cruz in the men’s 57kg free-style category